ඉන්දුනීසියාවේ විශාලතම තෙල් පිරිපහදුව වන බැලොන්ගන් හි ඇතිවූ දැවැන්ත ගින්නක් මැඩපැවැත්වීමට ඉන්දුනීසියාවේ ගිනි නිවන භටයින් කටයුතු කරමින් සිටී.
අද දේශීය වේලාවෙන් 00:45 ට රාජ්‍ය තෙල් සමාගමක් වන පර්ටමිනා විසින් පවත්වාගෙන යනු ලබන බැලොන්ගන් පිරිපහදුවේ ගින්න හටගෙන තිබේ.
අවම වශයෙන් පුද්ගලයින් 5 දෙනෙකු තුවාල ලබා ඇති අතර නිවැසියන් 950 ක් පමණ ආරක්ෂාව සඳහා ඉවත් කර ඇත. තවත් කිහිපදෙනකු අතුරුදහන් වී ඇති බවට වාර්තා වී තිබේ.
ගින්නට හේතුව මෙතෙක් අනාවරණය වි නොමැති අතර බටහිර ජාවා පළාතේ පිහිටි පිරිපහදුවට ඉහළින් දුමාරයක් ඉහළ යාමත් සමඟ සඳුදා උදෑසන ගින්න තවමත් ඇවිළෙමින් පවතින බව රූපවාහිනී දර්ශන සහ වීඩියෝ දර්ශනවල දැක්වේ.
