Construction Expo 2021 වෙළද ප්‍රදර්ශනය විවෘත කෙරේ

නිවාස ඉදිරිකිරීම් ක්ෂේත්‍රයට අදාළ භාණ්ඩ හා සේවා සපයන වෙළද ආයතන 100කට වැඩි පිරිසකගේ වෙළද කුටිවලින් සමන්විත ‘සෙලාන් කැදැල්ල Construction Expo – 2021’ වෙළද ප්‍රදර්ශනය අද (26) කර්මාන්ත අමාත්‍ය විමල් වීරවංශ මැතිතුමාගේ හා වේවැල්, පිත්තල, මැටි, ලි බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍ය ප්‍රසන්න රණවීර මැතිතුමන්ගේ සුරතින් බණ්ඩාරනයක සම්මන්ත්‍රණ ශාලාවේ සිරිමාවෝ බණ්ඩාරනායක පරිශ්‍රයේදී විවෘත කෙරිණි.

Asia Exhibitions & Conventions ආයතනය විසින් වාර්ෂිකව සංවිධානය කරන ලද මෙම වෙළද ප්‍රදර්ශනය ඉදිකිරීම් ක්ෂේත්‍රයට අදාළ දේශීය ව්‍යවසායකයන්ට ඔවුන්ගේ භාණ්ඩ හා සේවා හදුන්වාදීමටත් පාරිභෝගිකයන්ට එකම තැනකින් ඔවුන්ට අවශ්‍ය භාණ්ඩ මිලදී ගැනීමටත් අවස්ථාව හිමිවන වෙළද ප්‍රදර්ශනයකි. ඊට සමගාමිව ‘සෙලාන් Colombo Lifestyle Fair 2021’ ප්‍රදර්ශනය ද අමාත්‍යවරු දෙපළ අතින් විවෘත කෙරිණි. මෙම වෙළද ප්‍රදර්ශනය මාර්තු 26/27/28 තෙදින පුරා පැවැත්වේ.

කර්මාන්ත අමාත්‍යාංශයේ සහ වේවැල් පිත්තල මැටි ලි බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශයේ මැදිහත් වීමෙන් දේශීය වේවැල්, මැටි සහ පිත්තල ආශ්‍රිත නිර්මාණශීලි ව්‍යවසායකයන්ට ඔවුන්ගේ නිෂ්පාදන අලෙවි කර ගැනීමට මෙම වෙළද ප්‍රදර්ශනයේ වෙළද කුටි කිහිපයක්ම ලබාදී තිබීම විශේෂත්වයකි.

මෙම අවස්ථාවට වේවැල් පිත්තල මැටි ලි බඩු සහ ග්‍රාමීය කර්මාන්ත ප්‍රවර්ධන රාජ්‍ය අමාත්‍යාංශයේ ලේකම් අමල් හර්ෂ ද සිල්වා, Asia Exhibitions & Conventions ආයතනයේ කළමනාකරණ අධ්‍යක්ෂ ටිරෝන් චන්ද්‍රසේකර, ප්‍රවීණ රංගන ශිල්පී සාරංග දිසාසේකර සහ අනුග්‍රාහක වෙළද ආයතන නියෝජනය කරමින් මහත්ම මහත්මීහු ඇතුළු පිරිසක් සහභාගී වූහ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.