විදේශ බැංකු ගිණුම්වලට අනවසරයෙන් ඇතුළුවූ සැකකරු අත්අඩංගුවට

එක්සත් ජනපද බැංකු ගිණුම් හැක් කිරීම සහ මුදල් සොරකම් කිරීම සම්බන්ධයෙන් සැකකරුවෙකු වවුනියාවේදී අත්අඩංගුවට ගෙන තිබේ.

පොලීසිය පැවසුවේ, සැකකරු විදේශ ගිණුම්වලින් විශාල මුදල් ප්‍රමාණයක් මාරු කිරීමට සමත් වී ඇති බවය. 29 හැවිරිදි සැකකරු අත්අඩංගුවට ගෙන ඇත්තේ අනවසරයෙන් ඇතුළුවීම සම්බන්ධයෙන් පැමිණිල්ලක් ලැබීමෙන් පසුවය.

එම මුදල් ශ්‍රී ලංකාවේ ඔහුගේ නමින් ක්‍රියාත්මක වූ බැංකු ගිණුමකට මාරු කර යවා තිබේ. පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පැවසුවේ බැංකු ගිණුම් අනවසරයෙන් පරිහරණය කිරීම සම්බන්ධයෙන් අපරාධ විමර්ශන දෙපාර්තමේන්තුවට පැමිණිලි ලැබී ඇති බවය.

වීසා ඉන්ටර්නැෂනල් වෙත ලැබී ඇති පැමිණිලිවලින් අනතුරුව අනවසරයෙන් ඇතුළුවීමේ සිද්ධීන් සම්බන්ධයෙන් රහස් පොලිසිය වැඩිදුර පරීක්ෂණ පවත්වයි.

පොලිස් මාධ්‍ය ප්‍රකාශකවරයා පැවසුවේ බැංකු ගිණුම්වලට අනවසරයෙන් ඇතුළු වූ සැකකරුවන් 36 දෙනෙකු මීට පෙර අත්අඩංගුවට ගෙන ඇති බවය.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.