ඉන්දික ශ්‍රී අරවින්ද
covid – 19 වෛරසය ව්‍යාප්තිය හේතුවෙන් රටේ විවිධ ප්‍රදේශවලට පනවා ඇති නිරෝධායන ඇඳිරි නීතිය දිගටම පවත්වාගෙන යාමට බලාපොරොත්තු නොවන බව යුද හමුදාපති ශවේන්ද්‍ර සිල්වා මහතා Colombo Gazette වෙත පැවසිය.
නිරෝධායන ඇඳිරි නීතිය පැනවීම හේතුවෙන් අඩු ආදායම්ලාභී පවුල් ගණනාවකට, විශේෂයෙන් දෛනික වැටුප් කම්කරුවන්ට දැඩි ලෙස බලපෑමක් එල්ල වී ඇති බව යුද හමුදාපතිවරයා පවසයි.
නව වෛරසය මැඩපැවැත්වීම සඳහා රජය ගන්නා ප්‍රයත්නයට සහයෝගයෙන් කටයුතු කරන ලෙස මහජනතාවගෙන් ඉල්ලා සිටින බවයි ඔහුපවසන්නේ.
ඇඳිරි නීතිය නොපැවැත්වෙන ප්‍රදේශවල පදිංචිකරුවන්ට මුහුණු ආවරණ පැළඳීම සහ සමාජ දුරස්ථභාවය අනුගමනය කිරීම වැනි සෞඛ්‍ය රෙගුලාසි දැඩි ලෙස පිළිපදින්නැයි ඉල්ලා සිටින බව යුද හමුදාපති ශවේන්ද්‍ර සිල්වා මහතා වැඩිදුරටත් පැවසිය.
බස්නාහිර පළාතේ පොලිස් බල ප්‍රදේශ 112 ක්, කුලියපිටිය සහ ඇහැලියගොඩ පොලිස් ප්‍රදේශ සහ කුරුණෑගල මහ නගර සභාව යටතේ ඇති ප්‍රදේශවල නිරෝධායන ඇඳිරි නීතිය දැනට ක්‍රියාත්මක කෙරේ.
ගිරිවුල්ල,හෙමාතගම, මාවනැල්ල, සහ බුලත්කොහුපිටිය යන පොලිස් බල ප්‍රදේශ සහ ගලිගමුව ප්‍රාදේශීය සභාව යටතේ ඇති ප්‍රදේශ හුදකලා ප්‍රදේශ ලෙස ප්‍රකාශයට පත් කර ඇත.
රජයේ හා පෞද්ගලික ආයතන 107 ක සේවකයින්ට තම කාර්යාල හැඳුනුම්පත හෝ සමාගම වෙත ලිපියක් භාවිතා කරමින් ඇඳිරි නීතිය පැනවීම සඳහා සංචාරය කිරීමට රජය අවසර දී තිබේ.
