චීනයේ දත්ත සොරකමක් ගැන අනතුරැ ඇඟවීමක්

චීනය ඇමරිකාවේ සහ වෙනත් රටවල ජනතාවගේ පෞද්ගලික දත්ත එක්රැස් කීරීමෙි ක්‍රියාවලියක,නිරතව සිටින බවට ඇමරිකානු ප්‍රතිබුද්ධි තොරතුරු සහ ආරක්ෂක මධ්‍යස්ථානය අනතුරැ අගවා තිබේ.

එහි ප්‍රධානී විලියම් එවනීනා සදහන් කර ඇත්තේ කෝවිඩ් වසංගත සමයේදී චීනය විසින් ⁣සිය වැසියන්ගේ ජානමය දත්ත ඒකරාශි කරන බවට විශ්වාස කළ හැකි තොරතුරු රැසක් අනාවරණය වී ඇති බවයි.

මෙම තත්වය ඇමරිකානුවන්ගේ පමණක් නොව ලෝකයේ සෙසු රටවල වැසියන්ගේ පෞද්ගලිකත්වයට ඇති අයිතිවාසිකම් උල්ලංඝනය කිරීමක් පමණක් නොව ආර්ථික සහ ආරක්ෂක ක්ෂේත්‍රයේද බරපතල ගැටලු ඇති කරන්නක් බවද ඔහු සදහන් කර තිබේ.

විවිධ සමාගම් හරහා චීනය විසින් නිෂ්පාදනය කර බෙදාහරින කොවිඩ් පරීක්ෂණ කට්ටල මගින් මෙන්ම කෝවිඩ් සම්බන්ධයෙන් ලෝකයේ විවිධ රටවල චීනය විසින් සිදුකරන පරීක්ෂණ හරහාද මෙම අනවසර දත්ත රැස්කිරීමේ වැඩපිලිවෙළ ක්‍රියාත්මක වන බවට ඇමරිකානු ප්‍රතිබුද්ධි තොරතුරු සහ ආරක්ෂක මධ්‍යස්ථානය සදහන් කර තිබේ.

මේ වනවිටත් ඇමරිකානු ජනගහනයෙන් සියයට අසූවක පමණ ප්‍රතිශතයක දත්ත චීනය සතුව පවතින බවට විශ්වාස කළ හැකි බවටත් මේ පිලිබද ලෝකයේම කඩිනම් සහ පුලුල් අවධානය ⁣යොමුවිය යුතු බවටත් එම මධ්‍යස්ථානය වැඩිදුරටත් සදහන් කර තිබේ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.