ලබන මාසයේ ජිනීවා නුවර පැවැත්වෙන එක්සත් ජාතීන්ගේ මානව හිමිකම් කවුන්සිල සැසිවාරයට පෙර ශ්‍රී ලංකාව මානව හිමිකම් මහ කොමසාරිස් මිෂෙල් බැචලෙට්ගේ කාර්යාලය සමඟ අවසන් මොහොතේ සාකච්ඡා පවත්වා තිබේ.
මේ සතියේ ප්‍රසිද්ධියට පත් වූ ශ්‍රී ලංකාව පිළිබඳ ඇයගේ වාර්තාව පිළිබඳව සාකච්ඡා කර ඇති බව විදේශ අමාත්‍යාංශ ආරංචි මාර්ග ඩේලි මිරර් පුවත්පතට පැවසීය.
“අපි ඇයගේ කාර්යාලය සමඟ යම් යම් සාකච්ඡා පවත්වනවා. ඇය මතු කළ කාරණා සම්බන්ධයෙන් යම් ආකාරයක එකඟතාවයකට පැමිණීමට අපි උත්සාහ කරමු. ඉන්පසු අපි විධිමත් ප්‍රතිචාරයක් නිකුත් කරන්නෙමු. යනුවෙන් එම ආරංචි මාර්ග පැවසීය.
වාර්තාවට විධිමත් ලෙස ප්‍රතිචාර දැක්වීමෙන් පසු රජය ප්‍රකාශයක් නිකුත් කරනු ඇතැයි අපේක්ෂා කළ නමුත් ප්‍රතිචාරය ප්‍රසිද්ධ කිරීමට පෙර බැචලෙට්ගේ කාර්යාලය සමඟ එකඟතාවයකට පැමිණීමට සාකච්ඡා කරමින් සිටීයි
ඩේලි මිරර්
