ක්‍රිකට් නිලවරණයේ වගකීම ත්‍රිපුද්ගල කමිටුවක් යටතට

ශ්‍රී ලංකා ක්‍රිකට් ආයතන අති විශේෂ මහා සභා රැස්වීමේදී ත්‍රිපුද්ගල කමිටුවක් පත්කර ගැනීම සඳහා සාමාජිකයින්ගේ කැමැත්ත හිමිව ඇත.

ඉදිරියේදී පැවැත්වීමට ශ්‍රී ලංකා ක්‍රිකට් නිලවරණය සඳහා නිලවරණ කමිටුවක් පත් කර ගැනීම වෙනුවෙන් අද (07 ) පැවති සාකච්ජාවකදි මේ බව  තිරණය විය.

ක්‍රීඩා පනතේ නීති සහ රෙගුලාසිවලට අනුකූලව පත් කර ගන්නා ලද එම ත්‍රිපුද්ගල කමිටුවට විශ්‍රාම ලත් අභියාචනාධිකරණ විනිසුරුවරියක වන මලනි ගුණරත්න,  මහාධිකරණ විනිසුරුවරියක් වන ශිරෝමි පෙරේරා සහ අමාත්‍යාංශ කීපයක සේවය ප්‍රධාන ලේකම්වරයෙකු ලෙසින් සේවය කරන ලද ආචාර්ය ඩී.එම්.ආර්. දිසානායක  මහත්ම මහත්මීහු පත්වූහ.

ශ්‍රී ලංකා ක්‍රිකට් ආයතන සාමාජිකත්වය විසින් ඒකමතිකව තේරී පත් වුණු මෙම කමිටුව ශ්‍රී ලංකා ක්‍රිකට් ආයතනයේ නිලවරණය පැවැත්වීමේ වගකීම පැවරෙනු ඇත. කොළඹදී පැවැති මෙම අති විශේෂ මහ සභා රැස්වීම සෞඛ්‍ය මාර්ගෝපදේශයන්ට අනුකූලව පවත්වන ලදී.

 

ශ්‍රි ලංකා ක්‍රිකට් ආයතනය

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.