ඊශ්වරන් රත්නම්
එක්සත් ජනපදයේ හිටපු ජනාධිපති බරක් ඔබාමා විසින් රචිත A promised Land කෘතියේ ලංකාව ගැන සටහනක් තබා ඇත. මේ වන විටත් පිටපත් මිලියන ගණනක් විකුණා ඇති ඔහුගේ නිකුතුවේ ශ්‍රී ලංකාව පිළිබඳ සඳහන ඉතා කෙටි වුවද, එම සටහන ශ්‍රී ලංකාවේ සහ විදේශයන්හි මතභේදයට තුඩු දෙනු ඇතැයි පැවසේ.
සෝමාලියාව වැනි අසාර්ථක රාජ්‍යයන් ප්‍රතිනිර්මාණය කිරීමට හෝ ශ්‍රී ලංකාව වැනි ස්ථානවල ජනවාර්ගික ඝාතනයන් වැළැක්වීමට එක්සත් ජාතීන්ගේ සාමාජික රටවලට ක්‍රමයක් හෝ සාමූහික කැමැත්තක් නොමැති බව ‘A promised Land පොරොන්දු දේශයක්’ පොතේ සඳහන් වේ.
ඔහු එක්සත් ජනපද ජනාධිපතිව සිටි සමයේ ශ්‍රී ලංකාවේ යුද්ධයේ අවසාන අදියර ගැන සඳහන් කරයි. සිරවී සිටින සිවිල් වැසියන් නිදහස් කරන ලෙසත් එවකට රජය බර අවි භාවිතා කිරීම නතර කරන ලෙසත් ඔබාමා එදා එල්ටීටීඊයෙන් ඉල්ලා මාධ්‍ය ප්‍රකාශයක් නිකුත් කළේය.
සාමාජික රටවලින් ලැබෙන ස්වේච්ඡා හමුදා දායකත්වය මත යැපෙන එක්සත් ජාතීන්ගේ සාම සාධක දූත මණ්ඩල නිරන්තරයෙන් සන්නද්ධ නොවූ බව ඔබාමා සිය පොතේ සඳහන් කරයි.
