රිෂාඩ් රඳවා සිටින සිරමැදිරියෙන් කොරෝනා රෝගියෙක් හමුවෙයි

ඉන්දික ශ්‍රී අරවින්ද

හිටපු අමාත්‍ය රිෂාඩ් බදියුදීන් රඳවා සිටින නව මැගසින් බන්ධනාගාරයේ සිරමදිරියෙන් කොරෝනා රෝගියෙකු හමු වී ඇතැයි වාර්තා වෙයි.

හිටපු අමාත්‍යවරයා සමග රඳවා සිටින සිර මැදිරියේ 6 දෙනෙකුගේ PCR පරීක්ෂණ අහඹු ලෙස සිදු කළ අතර ඉන් පස් දෙනෙකුටම කොවිඩ් 19 වැළඳී ඇති බව තහවුරු වී ඇත.

ඒ අනුව හිටපු අමාත්‍ය රිෂාඩ් බදියුදීන්ගේ සමග රඳවා සිටින රැඳවියාටත් රෝගය වැළඳී ඇති අතර එම ස්ථානයේ සිටින වැඩි පිරිසකට කොවිඩ් තර්ජනය එල්ල වී ඇති බව වාර්තා වෙයි.

මේ අනුව හිටපු අමාත්‍යවරයා ද දැඩි කොවිඩ් 19 තර්ජනයකට මුහුණ දී ඇති බව බන්ධනාගාර ආරංචි මාර්ග වැඩිදුරටත් සඳහන් කර සිටියි.

මේ වනවිට බන්ධනාගාර ආශ්‍රිතව වාර්තාවන කොරෝනා අසදිතයන් සංඛ්‍යාව 506ක් දක්වා ඉහලගොස් තිබේ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.