සංචාරක කටයුතු නැවත ඇරඹීම සලකා බලයි

ඊශ්වරන් රත්නම්

සංචාරක අමාත්‍ය ප්‍රසන්න රණතුංග මහතා ශ්‍රී ලංකාවේ සංචාරක කටයුතු නැවත ආරම්භ කිරීම සඳහා විකල්ප දෙකක් යෝජනා කර තිබේ.

තෝරාගත් රටවල් සමඟ සංචාරක කටයුතු බවත ඇරඹීම සලකා බැලීමට හෝ දැඩි කොන්දේසි යටතේ සියලු සංචාරකයින්ට රට විවෘත කිරීමට හැකියාව ඇත්දැයි විමසා බලන්නැයි අමාත්‍යවරයා විසින් මෑතකදී පත් කරන ලද සංචාරක උපදේශක කමිටුවට පවසා ඇත.

සංචාරක උපදේශක කමිටුවේ සංචාරක අමාත්‍ය සම්බන්ධීකාරක නිමේෂ් හේරත් කොළඹ ගැසට් පත්‍රයට පැවසුවේ ජර්මනිය සමඟ සංචාරක කටයුතු සිදුකල හැකිදැයි සලකා බලමින් සිටින බවයි. දින 14 ක නිරෝධායනයක් සහිතව සියලුම සංචාරකයින් සඳහා රට විවෘත කිරීමේ විකල්පය පිළිබඳව ද අවධානය යොමු කරන බවද වෛරසය වැළැක්වීම පිළිබඳ කාර්ය සාධක බලකාය ඇතුළු පුළුල් සාකච්ඡාවකින් පසුව හොඳම විකල්පය පිළිබඳ අවසන් තීරණයක් ගන්නා බව ද ඔහු පැවසීය.

බොහෝ ජර්මානුවන් බෙන්ටෝටා සහ පැසිකුඩා වැනි වෙරළ ගමනාන්ත වලට වැඩි කැමැත්තක් දක්වන බැවින් ජර්මනිය විභව වෙළඳපොලක් ලෙස සැලකේ. වෛරස් වසංගතයෙන් දැඩි ලෙස පීඩාවට පත්ව ඇති සංචාරක අංශයට සහාය වීම සඳහා ඇති සියලු විකල්ප පිළිබඳව සොයා බලන ලෙස ජනාධිපති ගෝඨාභය රාජපක්ෂ මහතා සංචාරක අමාත්‍යාංශයට උපදෙස් දී ඇති බව හේරත් මහතා පැවසීය.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.