ශේෂාද්‍රි ක්‍රිෂාන් පෙම් කතාව

අශන්ති වරුණසුරිය

ශේෂාද්‍රි ගැන අමුතුවෙන් කිව යුතු නැත. කවුරුත් දන්නා හදුනන ඇයගේ ජීවිතයේ අලුත් ඇරඹුමකට යන බව මේ දින වල පැවසෙනවා.

කාලයක් පුරාවට නිහඬව සිටි ඇය මේ දින වල නැවතත් කතා බහට ලක් වන්නේ අලුත් මියුසික් වීඩියෝ එකක් හරහා. ක්‍රිෂාන් පෙරේරා ගායකයෙක් වගේම ගීත රචකයෙක්. ඒවගේම කාලයක් සිට මියුසික් බෑන්ඩ් වල සාමාජිකයකු වූ ඔහු මේ වන විටත් ඩොක්ටර් බෑන්ඩ් එකේ සාමාජිකයෙක්. ඒ වගේම පුද්ගලික රැකියාවකත් නිරත වෙනවා. ඔහු ගායනා කරන “මායාවී” හි රංගනයට දායක වෙන්නේ ශේෂාද්‍රි. වසර 10කට පසුව ඇය දායක වූ මියුසික් වීඩියෝවත් මෙය වීම තවත් විශේෂත්වයක්.

ක්‍රිෂාන් ශේෂාද්‍රි කලක සිට හොද යාලුවෝ කියලයි ශේෂාද්‍රි කියන්නේ. ඇයට ඔහුව හමු වෙන්නේ ටීවී ප්‍රෝග්‍රෑම් එකකදී. නැගී එන කලාකරුවෙක් විදිහට ඔහු සහභාගී වෙලා. ඔතනින් ආරම්භ වෙන යාළුකම අද ආදරයක්. මේ වන විට ක්‍රිෂාන්ගේ දෙමව්පියන් ඉන්නේ ස්පාඥ්ඥයේ. ක්‍රිෂාන් කියන්නේ සරල, අවංක කෙනෙක් වගේම ඔහුගේ ගති පැවතුම් එක්ක ජිවත් වෙන්න පහසුයි කියලයි ශේෂාද්‍රි කියන්නේ.

“අදහස් ගැලපෙනවා. හොද විශ්වාසයක් තියෙනවා. මිල මුදල් වලට වඩා වටින්නේ සැබෑ ආදරයක්. මම දන්නවා ඔහු මට අවන්කවම ආදරෙයි” ඇය තමන්ගේ ආදරේ ගෙන කියන්නේ එවැන්නක්.

විවාහයට නම් තවම දින වකවානුවක් තීරණය කර ගෙන නැහැ. ඉදිරියේදී ඒ ගැන තීරණයක් ගන්න බවයි ශේෂා කියන්නේ. වෙනත් අලුත් විස්තර කතා කරනකොට දිනක්ෂි ශේෂාද්‍රි ශානුදී එකතු වෙලා ත්‍රී සිසිටර් විදිහට ගීතයක් කරන්න යනවා. තුන් දෙනා එකතු වෙලා ගීතයක් කරනවද නැත්නම් නර්තයක් කරනවද කියල තවමත් හරියට තීරණය කරලා නැති වුණත් තුන් දෙනාගේ අලුත් වැඩක් ඉක්මණින්ම එන බවයි ශේෂා කිවුවේ.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.