Thu. Jun 20th, 2019

Colombo Gazette – Sinhala

News, views and more

බැඳුම්කර වංචාව විශේෂ ත්‍රිපුද්ගල මහාධිකරණයට

මහ බැංකු බැඳුම්කර වංචාව සම්බන්ධයෙන් විශේෂ ත්‍රිපුද්ගල මහාධිකරණ විනිසුරු මඩුල්ල හමුවේ හිටපු මහ බැංකු අධිපති අර්ජුන මහේන්ද්‍රන් ඇතුළු විත්තිකරුවන් 10 දෙනෙකුට එරෙහිව නඩු පැවරීමට අද (13) අගවිනිසුරු ජයන්ත ජයසුරිය මහතා නීතිපතිවරයාට උපදෙස් ලබා දී ඇත.

2015 පෙබරවාරි 27 වැනිදා දින සිදුවූ බැඳුම්කර වෙන්දේසියේදී රුපියල් බිලියන 10,058 ක්‌ වටිනා භාණ්‌ඩාගාර බැඳුම්කර වංක ලෙස ව්‍යපහරණය කිරීමට කුමන්ත්‍රණය කිරීම හා ඊට අනුබල දීමෙන් පොදු දේපළ පනතේ 5(1) වගන්තිය යටතේ ගැනෙන සාවද්‍ය පරිහරණය සිදු කිරීමේ අධිචෝදනා සියලුම විත්තිකරුවන්ට එරෙහිව ගොනු කෙරේ.

එමෙන්ම අර්ජුන මහේන්ද්‍රන් සහ හිටපු මහ බැංකු නියෝජ්‍ය අධිපති පී. සමරසිරි යන අයට විරුද්ධව භාණ්‌ඩාගාර බැඳුම්කර රුපියල් බිලියන 10,058 ක්‌ සම්බන්ධයෙන් බැහැර කිරීමට අදාළව පොදු දේපළ පනතේ සාපරාධී විශ්වාසය කඩ කිරීමෙන් රුපියල් මිලියන 688,762,100 ක පාඩුවක්‌ රජයට සිදුකිරීමේ චෝදනා එල්ල වී ඇත.

අදාළ වෙන්දේසියේදී සීමාසහිත පර්පෙචුවෙල් ට්‍රෙෂරීස්‌ පුද්ගලික සමාගම විසින් රුපියල් බිලියන 15 කට ලංසු තැබීමෙන් රුපියල් බිලියන පහක්‌ වටිනා භාණ්‌ඩාගාර බැඳුම්කර වංක ලෙස ව්‍යපහරණය කිරීම මෙන්ම ස්‌කන්ධ සහ සුරැකුම්පත් ආඥ පනතේ 56 වැනි වගන්තිය යටතේ මහ බැංකු අභ්‍යන්තර තොරතුරු ලංසු තැබීම සඳහා භාවිතා කිරීමේ චෝදනාත් එල්ල වී ඇත. අනෙකුත් විත්තිකරුවන්ට ඇත්තේ මහ බැංකු අභ්‍යන්තර තොරතුරු ලබාදීමට අනුබල දීමේ චෝදනාය.

 

Leave a Reply

Your email address will not be published. Required fields are marked *

%d bloggers like this: