Thu. Jun 20th, 2019

Colombo Gazette – Sinhala

News, views and more

සැමට සමානව නීතිය ක්‍රියාත්මක කිරිමට ඇති කැපවීම පෙන්වන්න.යුරෝපා සංගමයෙන් ඉල්ලීමක්

ජනවාර්ගිකත්වයෙන් තොරව සියලු දෙනාට සමානව නීතිය ක්‍රියාත්මක කිරීම සඳහා රජයේ කැපවීම තවදුරටත් තහවුරු කරන ලෙස ජනාධිපතිතුමාගෙන්  අගමැතිවරයාගෙන්  සහ සියලු දේශපාලන නායකයින්ගෙන් තරයේ ඉල්ලා සිටින බව යුරෝපා සංගමය අවධාරනය කරයි.

එම සංගමය පෙන්වා දෙන්නෙ සාමය හා සංහිඳියාව අනතුරේ හෙලමින් ශ්‍රී ලංකාවේ මුස්ලිම් ප්‍රජාව ඉලක්ක කරගෙන ක්‍රියාත්මක වන දේශපාලන හා ආගමික බලපෑම් පිලබඳව දැඩි අවධානය යොමුව ඇති බවය.

ඒකාබද්ධ නිවේදනයක් නිකුත් කරමින් යුරෝපා සංගමය අවධාරනය කරන්නේ මාධ්‍ය මගින් නොකඩවා ප්‍රචාරය කරනු ලබන අගතිගාමි සහ තහවුරු කර නොගත් තොරතුරු මගින් සිදුවන්නේ මෙරට නොසන්සුන්කාරි තත්ත්වය තවදුරටත් වර්ධනය වීම පමණක් බවත්ය.

ප්‍රංශ,ජර්මන්,ඉතාලි ,නෙදර්ලන්ත ,රුමේනියා තානාපති කාර්යාලය බ්‍රිතාන්‍ය මහකොමසාරිස් කාර්යාලය ස්විස්ටර්ලන්තය සහ නෝර්වේ තානාපති කාර්යාල වල එකඟතාව මත අදාල නිවේදනය නිකුත් කර තිබේ.

මේ අතර අග්‍රාමාත්‍ය රනිල් වික්‍රමසිංහ මහතා සමග අද පැවති සාකච්ජාවේදි සිය ස්ථාවරය ඔහු වෙත ප්‍රකාශ කල බවද නිවේදනයේ සඳහන් වෙයි.

වෛරී ප්‍රකාශවලට එරෙහි වීමට සහ ආගමික සංහිඳියා මණ්ඩලයක් ස්ථාපිත කිරීමට රජය දක්වා ඇති කැපවීම එම සාකච්ජාවේදි තමන් පිලිගැනීමට ලක්කල බව යුරෝපා සංගමය පවසයි.සියලු ප්‍රජාවන් අතර සාමකාමී යහපැවැත්ම අාරක්ෂා කිරීම සඳහා කටයුතු කරන සියලු ශ්‍රී ලාංකිකයින් තම සහයෝගය ලබාදෙන බවද අදාල නිවේදනයේ දැක්වෙයි.

ආගමික සහ අනෙකුත් ප්‍රජා නායකයින්ට ප්‍රචණ්ඩත්වයට එරෙහිව හඬ නගනු ඇති බව අපේක්ෂා කරන්නේයැයි යුරෝපා සංගමය ප්‍රකාශ කරයි.

Leave a Reply

Your email address will not be published. Required fields are marked *

%d bloggers like this: