තෝපූර්හි උප පොලිස් ස්ථානය පොලිස් ස්ථානයක් කිරීමට ජවිපෙ මැදිහත් වෙයි

තෝපූර්හි උප පොලිස් ස්ථානය පොලිස් ස්ථානයක් කිරීමට ජවිපෙ මැදිහත් වෙයි. එලෙස මදහත්විමක් සිදුව ඇත්තේ පාර්ලිමේන්තු මන්ත්‍රී සුනිල් හදුන්නෙත්ති මහතා සමග ප්‍රදේශවාසීන් කල සාකච්චාවක ප්‍රතිපලයක් ලෙසිනි.

ජනතා විමුක්ති පෙරමුණේ දේශපාල මණ්ඩල සභික සුනිල් හඳුන්නෙත්ති දෙදිනක් ත්‍රිකුණාමලය සහ මුතූර් සහ තෝපූර් ප්‍රදේශවල දේශපාලන සාකච්ඡා සහ ජනහමු කිහිපයක් සඳහා සහභාගි විය. එහිදී තෝපූර් ප්‍රදේශයේ පැවැති ජනහමුව සංවාදශීලී එකක් විය. ජවිපෙ ත්‍රිකුණාමල දිස්ත්‍රික් සංවිධායක අරුන් හේමචන්ද්‍ර භාෂා පරිවර්තනයෙන් දායකත්වය සැපයූ අතර ප්‍රදේශවාසීහු ඉතාම සුහදශීලීව දේශපාලනය ගැන සහ එදිනෙදා තමන් මුහුණ දෙන ගැටලු සම්බන්ධයෙන් ජවිපෙ මන්ත්‍රීවරයා සමඟ කතාබහක යෙදුණහ. “මන්ත්‍රීතුමා ඔබතුමාලගෙ පක්ෂයේ සිංහල මන්ත්‍රීවරු හයදෙනා තමයි අපි ගැනත් පාර්ලිමේන්තුවේ කතා කරන්නේ. අපේ ප්‍රශ්න ගැන ඔබතුමාලා පාර්ලිමේන්තුවේ අවධානය යොමු කරන එකට බොහොම ස්තූතියි.” එක් ප්‍රදේශවාසියෙක් පැවසීය. “අපේ පක්ෂයේ සිංහල මන්ත්‍රීවරු, දෙමළ මන්ත්‍රීවරු, මුස්ලිම් මන්ත්‍රීවරු කියලා එකක් නැහැ. අපේ පක්ෂයේ ඉන්නේ ශ්‍රී ලාංකික මන්ත්‍රීවරු. අපි හිතන්නේ ඒ විදියටයි. හැමදාමත් අපේ රටේ ජනතාව සිංහල, දෙමළ, මුස්ලිම් කියලා වෙන වෙනම මන්ත්‍රීවරු පාර්ලිමේන්තු යැව්වා. නමුත් ඒ අය ශ්‍රී ලාංකිකයෝ විදියට වැඩ කළේ නැහැ. ඒකයි ප්‍රශ්නය. අපි වැඩ කරන්නේ ශ්‍රී ලාංකිකයෝ කියන හැඟීමෙන්.” මන්ත්‍රීවරයා කියා සිටියේය.

“මන්ත්‍රීතුමා අපිට තව ප්‍රශ්න තියෙනවා. අපේ ප්‍රදේශයේ තියෙන්නේ උප පොලිස් ස්ථානයක්. ඒ නිසා අපිට සමහර වෙලාවට මුතූර් පොලිසියට යන්න වෙනවා කිලෝමීටර් පහළොවක් විස්සක් දුර ගෙවාගෙන. ඒ විතරක් නෙවෙයි අපිට තියෙන්නේ උප තැපැල් කන්තෝරුවක්. හැම ආයතනයක්ම උප සේවා ආයතනයක්. අපේ නගරයට ප්‍රධාන පොලිසියක් ලබාදෙන්න කටයුතු කරනවානම් ගොඩක් වැදගත්.” තවත් ප්‍රදේශවාසියෙක් තමන් මුහුණ දෙන ගැටලුවක් ඉදිරිපත් කළේය. “එල්ලුම්ගහ ක්‍රියාත්මක කරන්න පොරොන්දු දෙන රටේ නගරයකට පොලිසියක් ලබාදෙන්න බැරිකමක් නෑ නේද? ඒත් මේ පාලකයෝ අවශ්‍ය දේවල් නෙවෙයි කරන්නේ. ජනප්‍රිය දේවල්. ජනතාවගේ ගැටලු මොනවා උනත් තමන්ට ජනප්‍රිය වෙන්න ඕන මාතෘකාව තමයි කතා කරන්නේ. අපි මේ ගැන පාර්ලිමේන්තුවේ කතා කරන්නම්. තෝපූර් උප පොලිස් ස්ථානය, පොලිස් ස්ථානයක් කරන්න විශේෂ ඉල්ලීමක් කරමු.” සුනිල් හඳුන්නෙත්ති පොරොන්දුවී ඇත.

 

AS

LEAVE A REPLY

Please enter your comment!
Please enter your name here