අවුරුද්ද සරුවූ ලංගමට උත්සව සමයේ වාර්තා ගත අදායමක්

උත්සව සමය වෙනුවෙන් ලංකා ගමනා ගමන මණ්ඩලය පසුගිය 08 වැනිදා සිට ගෙන ගිය බස් රථ සේවාවෙන් දෛනික ආදායම රුපියල් මිලියන 100 ඉක්මවා ඇති බව ලංකා ගමනා ගමන මණ්ඩලයේ සභාපති උපාලි මාරසිංහ මහතා සඳහන් කරයි.

සාමාන්‍ය දෛනික ආදායම රුපියල් මිලියන 80ක් පමණ වන අතර මෙවර උත්සව සාමය වෙනුවෙන් ලංගම වාර්තා ගත ආදායමක් උපයා ඇති බවයි සභාපතිවරයා සඳහන් කරන්නේ.

මේ අතර දුම්රිය ගමන් වාර 64ක් සාමාන්‍ය ධාවන කාලසටහනට අමතරව එක්කර ඇති අතර එය එළඹෙන 22 වැනි දින දක්වා ක්‍රියාත්මකය.

අද (14) ලංගම බස් රථ 5800ත් 6000 ත් අතර සංඛ්‍යාවක් ධාවනය කරනු ඇති අතර පළමු වටයේ විශේෂ ධාවන වැඩසටහන නිම වන අතර නැවත ලබන ඉරිදා දිනයේ දිවයින පුරා විශේෂ බස් රථ සේවාවක් ක්‍රියාත්මක කිරීමට නියමිතය.

උත්සව සමයේ වැඩිපුර මුදල් අය කරන බස් රථ සම්බන්ධයෙන් 1955 ක්ෂණික දුරකථන මාර්ගය හරහා මගී ජනතාවට දැනුම් දිය හැකිය. ඒ අතර ලංගම බස් රථ සම්බන්ධයෙන් 011 7 555 555 සහ 077 1 056 032 දුරකථන අංක වලටද තොරතුරු ලබාදිය හැකි බව ගමනා ගමන මණ්ඩලය සඳහන් කරයි. කෙසේවෙතත් වැඩියෙන් මුදල් අය කරන බස් රථවල මාර්ග බලපත්‍රය අහෝසි කිරීමට කටයුතු කරන බව පසුගියදා විෂය භාර අමාත්‍ය අර්ජුන රණතුංග මහතා කියාසිටියේය.

 

 

LEAVE A REPLY

Please enter your comment!
Please enter your name here