අයවැය ලේඛනයෙන් පේනවා තිබෙන අදායම වැරදියි: එස්.බී

එක්සත් ජාතීන්ගේ සංවිධානයේ ඉහළ තනතුරක් ලබා ගැනීමේ අරමුණින් මුදල් අමාත්‍ය මංගල සමරවීර මහතා දිගින් දිගටම රණවිරුවන් සහ රට පාවාදෙමින් සිටින බව පාර්ලිමේන්තු මන්ත‍්‍රී එස්. බී. දිසානායක මහතා කොළඹදී පැවසීය.

මංගල සමරවීර මහතා අයවැය මගින් සිදුකළ වංචාවන්ට සහ එක්සත් ජාතීන්ගේ සංවිධානයට රට පාවාදීමට ගත් උත්සාහයන්ට විරුද්ධව ඉදිරියේදී දැඩි ක‍්‍රියාමාර්ග ගන්නා බවද දිසානායක මහතා කියා සිටියේය.

වැඩිදුරටත් අදහස් දැක්වූ පාර්ලිමේන්තු මන්ත‍්‍රී එස් බී දිසානායක මහතා මෙසේද කීවේය.

‘‘මෙවර අයවැය ලේඛනයේන් පෙන්වලා තියෙන ආදායම සම්පූර්ණයෙන්ම වැරදියි. ඒක ව්‍යාජයි. එක පැත්තකින් බොරු ගොතලා තියෙනවා. අනික් පැත්තෙන් වැරදි දත්ත ඉදිරිපත් කරලා තියෙනවා.

කැෂිනෝ ක‍්‍රිඩාව එක්ක යන රුචිනෝ ක‍්‍රීඩාවට මිලියන 200ක වාර්ෂික බද්දක් තිබුනා. මෙවර අයවැයෙන් එය මිලියන එකක බද්දක් පනවනු ලැබේ කියලා සදහන් කර තිබෙනවා. මෙතන කරලා තියෙන්නේ මිලියන 200 මිලියන එකකට අඩුකිරිමක්. මෙමගින් මිලියන 10ක අලූත් ආදායමක් උපයනවා කියලා සඳහන් වෙනවා. මේක සම්පූර්ණ වංචා කිරීමක්.

කැසිනෝ ක‍්‍රීඩාවට ඇතුළු වෙන සියලූදෙනාගෙන් ඩොලර් 50ක ගාස්තුවක් අයකරන බව සදහන් කරලා තියෙනවා. හැබැයි මෙයට ඩොලර් සියයක ගාස්තුවක් අය කිරීමට තිබුනා. අයවැය මගින් පෙන්වනවා ඩොලර් 50 දැමීම මගින් මිලියන 980ක අමතර ආදායමක් උපයනවා කියළා.

මෙහෙම බදු අයකිරිම් අඩුකිරීම් කරහම අයවැය ලේඛනයේ ආදායම් ලේඛනයෙන් මෙච්චර මෙච්චර අඩුවෙනවා කියලා සදහන් වෙනවා. හැබැයි ඒ මොකවතත් මේ සැරේ කරලා නැහැ. ආදායම මෙච්චරයි වියදම මෙච්චරයි කියළා පමණයි එහි දක්වලා තියෙන්නේ. මේකේ ගණන් සම්පූර්ණයෙන්ම වැරදියි. ඒ නිසා මේ ගැන සවිස්තර වාර්ථාවක් ඉදිරිපත් කරන්න කියලා ශ්‍රී ලංකා මහබැංකුවට ඉදිරිපත් කරලා තියෙන්නේ”.

LEAVE A REPLY

Please enter your comment!
Please enter your name here