ගෝඨාගේ නඩු පැවරීමට කොන්සල් ජෙනරාල් කාර්යාලය සම්බන්ද නැති බව දොස්තර රාජිත් කියයි

හිටපු ආරක්ෂක ලේකම් ගෝඨාභය රාජපක්ෂ මහතාට ඇමරිකාවේ දී නඩු දෙකක් පැවැරීමට කොන්සල් ජෙනරාල් කාර්යාලය සම්බන්ධ බවට සිදුකර ඇති ප්‍රකාශය අසත්‍ය බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතා පවසයි.

කොන්සල් ජෙනරාල් කාර්යාලයේ කිසිදු සම්බන්ධයක් නොමැති බව එහි කොන්සාල් ජෙනරාල්වරිය තමන්ට පැවැසූ බව සෞඛ්‍ය අමාත්‍යවරයා අවධාරණය කර සිටියි. කොන්සාල් ජෙනරාල්වරිය ලෙස පත් කර ඇත්තේ හිටපු ජනාධිපති මහින්ද රාජපක්ෂ මහතාගේ වෘත්තීය සමිති අධ්‍යක්ෂ භාරත ලක්ෂ්මන් ප්‍රේමචන්ද්‍ර මහතාගේ සහෝදරියයි.

ඇය ප්‍රකාශ කරන්නේ මෙම සිද්ධියට කොන්සල් ජෙනරල් කාර්යාලයේ කිසිදු සම්බන්ධයක් නොමැති බවයි. හිටපු ආරක්ෂක ලේකම් ගෝඨාභය රාජපක්ෂ මහතා මෙවැනි ළදබොළද ප්‍රකාශ නිකුත් කරන පුද්ගලයෙකු බවත්, ගම් සභාවක හෝ නියෝජිතවරයෙකු නොවන පුද්ගලයෙක් දේශපාලනයට පිවිසීම ගැටලුවක් බවත් සෞඛ්‍ය අමාත්‍යවරයා අවධාරණය කර සිටියි.

රුපියල් බිලියන 40 ක මුදලක් වැය කරමින් ඉදි කරන ලද පාලින්ද නුවර සෞඛ්‍ය වෛද්‍ය නිලධාරී කාර්යාලය විවෘත කිරීමේ අවස්ථාවට අද පෙරවරුවේ එක්වීමෙන් පසු මාධ්‍යවේදීන් නැගූ ප්‍රශ්ණ වලට පිළිතුරු ලබාදෙමින් සෞඛ්‍ය අමාත්‍යවරයා මේ බව පැවැසීය. හිටපු ආරක්ෂක ලේකම්වරයා ජනාධිපති අපේක්ෂකධූරයට පත්වීම අපගේ ජයග්‍රහණයට හේතුවක් වන බව ද සෞඛ්‍ය අමාත්‍යවරයා මෙහිදී පෙන්වා දුන්නේය.

 

LEAVE A REPLY

Please enter your comment!
Please enter your name here