වෘත්තීයවේදීන් 80,000 කට රැකියා. පළමු මුල්‍ය නගරයට ආයෝජනය චීනයෙන්

රට හැර යාමට නියමිත වෘත්තීයවේදීන් 80,000කට වරාය නගරයේ රැකියා අවස්ථා ලබා දෙන බව මහ නගර සහ බස්නාහිර සංවර්ධන අමාත්‍ය පාඨලී චම්පික රණවක මහතා පවසයි.

අදහස් දැක්වූ අමාත්‍යවරයා, “මේකට අරමුණක් තිබුණේ නැහැ, කැසිනෝ 6 ක අරමුණ විතරයි තිබුණේ. ගරු අග‍්‍රාමාත්‍යතුමාගේ යෝජනාවක් අනුව අපි එතන මූල්‍ය නගරය කියලා ගොඩනැගිල්ලක් ඉදිකරන්න කටයුතු කළා, ලෝකේ තිබෙන සියලුම බැංකුවලට එතනට එන්න. එහි වැඩකට යුතු මේ වසරේදී පටන් ගැනීමට නියමිතයි. ඒ වගේම පරිසර අධ්‍යනයක් කළා. 277 ක් විරෝධතා ආවා. මීගමුවේ ධීවරයෝ සති නමයක් මේකට විරුද්ධව උපවාස කළා. මුළු පල්ලියම පාරට බැස්සා. එවැනි ප‍්‍රශ්න ගණනාවක්ම ඇති වුණා. අපි ඒ හැමෝම සමග කතා බහෙන්, ඒ අය කළ සාධාරණ විවේචන පිළිගනිමින් ධිවරයින්ට මිලියන 500 ක වන්දියක් ගෙව්වා. ඒ යනාදි වශයෙන් අපි කෙසේ හෝ මේ කටයුත්ත හමාර කළා. රාවය පත්තරේ හෙඩ්ලයින් ගියා වරාය නගරය නිසා කොළඹ නගරය ගිලා බසිනවා කියලා. මේ වගේ නොයෙක් බිය සැක තිබුණා. මේ සියළු දේ සමග පසුගිය 16 වෙනිදා මෙම හෙක්ටයාර් 269 ම ගොඩකර තිබෙන්නේ. මෙම උද්‍යානයෙ රෝපණය සඳහා සුදුසු සඳහා ශාඛ වර්ග 300 ක් පමන අත්හදා බැලුවා.”

“දැන් මෙහි තිබෙන හැම ඉඩමක්ම අයිති රජයට, ඉඩම් කොමසාරිස් ජෙනාරාල්වරයාට. ඒ වගේම මෙහි තිබෙන ඉඩම් වෙන කාට හරි දෙන්න අයිතිය තිබෙන්නේ රටේ ජනාධිපතිවරයාට. මෙහි තිබූ ෆෝමියුලා වන් රේස් යන එක අපි අයින් කළා. ඒ වෙනුවට අපි උද්‍යානයක් හැදුවා.”

අමාත්‍යවරයා මේ බව සඳහන් කළේ රුපියල් මිලියන 710 ක වියදමින් ඉදිකරන ලද දන්තුරේ පොත්තපිටිය බස්නැවතුම්පල සහ බහුකාර්ය ගොඩනැගිල්ල ජනතා අයිතියට පැවරීමේ අවස්ථාවට එක් වෙමිනි. මෙහි පළවෙනි ඉඩම් කට්ටි 4 වෙන් වෙන්නේ මූල්‍ය නගරයට වන අතර ඊට ආයෝජනය කරන්නේ චීන සමාගමකි. ජාත්‍යන්තර පාසලක්, ජාත්‍යන්තර රෝහලක්, ජාත්‍යන්තර සම්මන්ත‍්‍රණ ශාලාවක් එහි ස්ථාපිත කෙරෙයි. මේ සඳහා අවශ්‍ය නීති සම්පාදනය ලබන මැයි මාසයේදී පාර්ලිමේන්තු කටයුතු ආරම්භ කිරීමෙන් පසු සිදු කෙරේ. එම උද්‍යානය ගෝල්ෆේස් එක වගේ හත් ගුණයක් විශාල වන අතර එය 2021 දී සියලු දෙනාටම විවෘත කිරීමට නියමිතය.

 

LEAVE A REPLY

Please enter your comment!
Please enter your name here