දේශපාලන කුමන්ත්‍රණ පිටුපස ඉන්නේ එල්ටීටිය ඩයස්පෝරාව: ඩලස් අලහප්පෙරුම

ගෝඨාභය රාජපක්‍ෂ මහතාට ඇමරිකානු නඩු පැවරීම පැහැදිලිවම ජාත්‍යන්තර තලයේ සැලසුම් සහගත වැඩපිළිවෙළක් බවත් මෙය එල්ටීටීඊ ඩයස්පෝරාව ඇතුළු ජාත්‍යන්තර ජාලයේ වැඩක් බවත් පාර්ලිමේන්තු මන්ත්‍රී ඩලස් අලපහ්පෙප්රුම මහතා පවසයි.

හිටපු ජනාධිපති මහින්ද රාජපක්‍ෂ මහතාට මැතිවරණයට ඉදිරිපත් වීමට නොහැකි පසුබිමක රාජපක්‍ෂ පවුලේ මීලග  අනුප‍්‍රාප්තිකයා ගෝඨාභය රාජපක්‍ෂ බවට පූර්ව නිගමනයක සිටින පිරිස් ඔහුගේ දේශපාලන ගමන වැළැක්වීම සදහා ඉතාම දුෂ්ට සහ විෂකුරු සිදුවීම් මාලාවක් මේ මොහොතේ නිර්මාණය කරමින් සිටින බව ද පාර්ලිමේන්තු මන්ත්‍රී ඩලස් අලහප්පෙරුම මහතාමේ පිලිබදව අදහස් දක්වමින් කියයි.

අද ඇමරිකාවේ කැලිෆෝනියාවෙන් වාර්තා වන ගෝඨාභය රාජපක්‍ෂ මහතාට නඩු පැවරීමේ පුවත මේ කුමන්ත‍්‍රණ මාලාව තුළ පළවන එක් ප‍්‍රවෘත්තියක් පමණක් යැයි කී ඒ මහතා මෙය අවසානය නොවන බවද හෙතෙම අවධාරණය කළේය.

ලසන්ත වික‍්‍රමතුංග පමණක් නොව තාජුඞීන්, එක්නැලිගොඩ සිද්ධීන්වලදීද පසුගිය කාලයේ දිගින් දිගටම හිටපු ජ්‍යෙෂ්ඨ නියෝජ්‍ය පොලිස්පති අනුර සේනානායක සහ බුද්ධි අංශ නිලධාරීන් සිරගත කරමින් ආණ්ඩුව ඉල්ලා සිටියේ ගෝඨාභය රාජපක්‍ෂව බවද ඩලස් අලහප්පෙරුම සදහන් කළේය.

 

LEAVE A REPLY

Please enter your comment!
Please enter your name here