කුළුදුල් සිව් නිවුන් දරුවන්ට ජනපති පිහිට

තම කුළුඳුල් දරු උපතට සූදානමින් උන් ගුවන් හමුදා සෙබළියක වූ අයේෂා දිල්හානිට කුළුඳුලේම නිවුන් දරුවන් සිව් නිවුන් දරුවන්ට ජනපතිගේ පිහිට ලැබී ඇත.

සිව් නිවුන් දරුවන් අතර බිළිඳු දියණියන් දෙදෙනෙකු සහ පුතුන් දෙදෙනෙකු වේ. ඔවුන්ට පෝෂණය මෙන් ම සනීපාරක්ෂාව සැලසීම මේ තරුණ මව පිය යුවලට අභියෝගයක්ව ඇත. ඔඋන්ට ඔවුන්ගේ දෙමව්පියන්ගේ ද උදව් උපකාර ලබා ගනිමින් දරුවන් රැක බලා ගත්ත ද, රජයේ සේවකයන් වූ මේ නිවුන් දරුවන්ගේ මව් පිය දෙපළට පමණක් දරුවන් ලොකු මහත් කර ගැනීමේ වැය බර දරනු නොහැකි බව හමුදා සෙබළිය පවසයි.

එම නිසා ඔවුන් “ජනපතිට කියන්න” වැඩසටහන වෙත තමා මුහුණු දී සිටින අභියෝගය පවසා ජනාධිපති වෙතින් උපකාරයක් ඉල්ලා ඇත.

“ජනපතිට කියන්න” වැඩසටහන වෙත ලැබුණු මෙම සුවිශේෂ ඉල්ලීම වෙත කාරුණික වූ ජනාධිපතිතුමා, මෙම දරුවන් හදා වඩා ගැනීම වෙනුවෙන් එක් දරුවෙකු වෙත රුපියල් ලක්ෂ 05 බැගින් දරුවන් සිව් දෙනා වෙත රුපියල් මිලියන 02ක පරිත්‍යාගයක් ලබාදීමට කටයුතු කල බව ජනාධිපති මාධ්‍ය ඒකකය පවසයි.

අදාළ මුදල් පරිත්‍යාගය ලබා ගැනීම වෙනුවෙන් ඊයේ 9 වනදා පෙරවරුවේ ජනාධිපති කාර්යාලය වෙත පැමිණි අයේෂා දිල්හානි මහත්මිය ඇගේ ස්වාමිපුරුෂයා, මව සහ නිවුන් දරුවන් සිව් දෙනා සමග ජනාධිපති ගරු මෛත්‍රීපාල සිරිසේන මැතිතුමා හමු විය.

LEAVE A REPLY

Please enter your comment!
Please enter your name here