Thu. Jun 20th, 2019

Colombo Gazette – Sinhala

News, views and more

වියළි කාලගුණයෙන් ලක්ෂ තුනකට වඩා ආපදාවට

පවතින දැඩි වියළි කාලගුණික තත්ත්වය හේතුවෙන් දිවයිනේ පුද්ගලයන් තුන් ලක්ෂ විසි එක් දහසකට අධික පිරිසක් පීඩාවට පත්ව ඇතැයි ආපදා කළමණාකරණ මධ්‍යස්ථානය පවසයි.

එම මධ්‍යස්ථානයේ දත්ත අනුව පවුල් හැත්තෑපන්දහස් හාරසිය විසිනමයක සාමාජික සාමාජිකාවන් තුන් ලක්ෂ විසිඑක්දහස් එකසිය අසූ පස් දෙනෙකු පීඩාවට පත්ව ඇති අතර ඉන් වැඩිම බලපෑම වාර්තාවන්නේ උතුරු පළාතෙනි. ඩෙල්ෆ්, කයිට්ස්, කරෛයිනගර් ඇතුළුව උතුරු පළාතේ ප්‍රදේශ ගණනාවකට බලපාන වියළි කාළගුණය හේතුවෙන් පවුල් දසදහස් එකසිය දහයක සාමාජික සාමාජිකාවන් තිස්තුන්දහස් හාරසිය අසූදෙනෙකු පීඩාවට පත්ව සිටිති.

කලුතර දිස්ත්‍රික්කයේ කළුතර, බේරුවල, මතුගම, පානදුර සහ දොඩම්ගොඩ ප්‍රදේශවල මිරිදියට, මුහුදු ජලය මිශ්‍ර වීම හේතුවෙන් පවුල් හතළිස් පන්දහස් පන්සියයක් පීඩාවට පත්ව ඇතැයි ආපදා කළමණාකරණ මධ්‍යස්ථානය සදහන් කරයි. වයඹ පළාතේ පවුල් නවදහස් අටසිය අසූදෙකක සාමාජික සාමාජිකාවන් තිස් පන්දහසක් ද මධ්‍යම පළාතේ පවුල හත්දහස් හත්සිය පනහක සාමාජික සාමාජිකාවන් විසි හත් දහසක් දැඩි වියළි කාලගුණික තත්ත්වය හේතුවෙන් පීඩාවට පත්ව සිටී.

ඇතැම් ප්‍රදේශවල පානීය ජල අවශ්‍යතාව සපුරාලීම සදහා මේ වන විට පළාත් පාලන ආයතන මගින් බවුසර් යොදා ජලය බෙදාහැරීමේ කටයුතු සිදුකරමින් පවතී. අපදා කළමනාකරණ මධ්‍යස්ථානය සදහන් කරන්නේ ආපදාවන්ට ලක් වුවන්ට සහන සලසමින් සිටින බවයි.

Leave a Reply

Your email address will not be published. Required fields are marked *

%d bloggers like this: