Tue. Jun 18th, 2019

Colombo Gazette – Sinhala

News, views and more

උණුසුම් කාලගුණික තත්ත්වය මැයි මාසයේදීත්

උණුසුම් කාලගුණික තත්ත්වය මැයි මාසයේදීත් බලාපොරොත්තු විය හැකි බව කාලගුණ විද්‍යා දෙපාර්තමේන්තුවේ අධ්‍යක්ෂ ජෙනරාල් අතුල කරුණානායක මහතා පවසයි.

මේ දිනවල සුර්යා ශ්‍රී ලංකාවට මුදුන් වී ඇති අතර මේ තත්වය පහව යන්නේ අප්‍රේල් 15 වන දිනයේදී බවත් මේ දිනවල අධික සුර්ය ශක්තියක් දිවයිනට ලැබෙන බවත් ඒ නිසා දිවයින අවට ඇති ජලාශවල ජලය වාෂ්පීකරණයෙන් වීම නිසා වායුගෝලයට ජලවාෂ්ප වැඩි ප්‍රමාණයක් එකතු වෙන බවත් පෙන්වා දෙන ලදී.

ඒසේම මේ දිනවල සුළං හමන වේගය අඩු නිසා ජල වාෂ්ප වලින් වැසි වළාකුළු නිර්මාණය නොවන බව සහ ජල වාෂ්ප පහළ වායුගෝලයේ සංසරණය වන බවද ඒ මහතා පැවසීය.

පහළ වායු ගෝලයේ සංසරණය වන මෙම ජල අංශු රත්වීමෙන් අධික රස්නයක් දැනෙන බවත් මෙම අධික උණුසුම් කාලගුණික තත්වය රාත්‍රියේ ද පවතින අතර මෙම තත්වය පහව යාමට නම් වැසි ඇතිවිය යුතු යැයි ද ඒ මහතා පැවසීය.

පවතින කාලගුණික තත්වයන් සළකා බැලු විට වර්ෂාව ඇතිවිමට තරම් වළාකුලු නිර්මාණය වන තත්ත්වයක් දැකිය නොහැකි බවද කාලගුණවිද්‍යා දෙපාර්තමේන්තුව වැඩිදුරටත් පවසයි.

ඒ නිසා සුලු වාර්ෂාපතනයක් වාර්තා වුව ද මෙම උණුසුම් කාලගුණික තත්වය මැයි මායසේදීද බලාපොරොත්තු විය හැකි බව එම දෙපාර්තමේන්තුව කියා සිටියි

විශේෂයෙන්ම වයඹ, උතුරු සහ උතුරු මැද පළාත් වලට මෙම තත්ත්වය වැඩිපුර බල පෑ හැකි අතර දිවයිනේ සෙසු පළාත් වලද පවතින්නේ අධික උෂ්ණ කාලගුණික තත්වයක් බවද කාලගුණ විද්‍යා දෙපාර්තමේන්තු අධ්‍යක්ෂ ජෙනරාල් අතුල කරුණානායක මහතා වැඩිදුරටත් පවසයි

Leave a Reply

Your email address will not be published. Required fields are marked *

%d bloggers like this: