5හේ ශිෂ්‍යත්වය 8 වසරට

පහ වසර ශිෂ්‍යත්වය 8 වසරේදී සිදු කරීමට ජනාධිපති තීරණය කර ඇත.

දරුවන් සහ දෙමව්පියන් පීඩාවට පත් කරන පහ වසර ශිෂ්‍යත්ව විභාගය අහෝසි කරන බවත්, දරුවන් විශිෂ්ට ලෙස විභාග සමත් වීම මෙන්ම ඔවුන්ට පැහැදිලි අනාගතයක් වෙනුවෙන් මංපෙත් විවර කර දීමද අත්‍යවශ්‍ය බවත් ජනාධිපති මෛත්‍රීපාල සිරිසේන මහතා පවසයි. ඒ අනුව පහ වසර ශිෂ්‍යත්ව විභාගය වෙනුවට 08 වසරේදී නව විභාගයක් හඳුන්වා දෙන බව ද ජනාධිපතිවරයා පවසයි.

නවෝත්පාදන සහ හරිත ආර්ථිකයට ගැලපෙන අධ්‍යාපන ක‍්‍රමවේදයකට දරුවන් යොමු කිරීම මෙන්ම කලා උපාධිය ලබාගෙන රැකියා ඉල්ලා දරුවන් මහ පාරේ උද්ඝෝෂණ කරන යුගය නිමා කිරීම නව වැඩපිළිවෙළේ අරමුණ බව ජනාධිපතිවරයා වැඩිදුරටත් කියා සිටියේය.

08 වසර සඳහා හඳුන්වා දෙන නව විභාගයෙන් සිසුන්ට තම දක්ෂතාවයන් අනුව තෝරාගත් විෂය ක්ෂේත්‍රයක් ඔස්සේ ඉන්පසු අධ්‍යාපනය හැදෑරීමට අවස්ථාව හිමිවන බවයි සිරිසේන මහතා පවසන්නේ. ඒ සඳහා රටේ සමස්ත පාසල පද්ධතියම වර්ගීකරණය කරමින් ඒ ඒ විෂය ක්ෂේත්‍රය සඳහා වෙන වෙනම පාසල් දියුණු කිරීමට ද නියමිතය.

ජනාධිපති මෛත්‍රීපාල සිරිසේන මහතා මේ බව ප්‍රකාශ කළේ ඊයේ (05) කඩවත මහාමායා විද්‍යාලයේ පැවති උත්සවයක් අමතමිනි.

LEAVE A REPLY

Please enter your comment!
Please enter your name here