Thu. Jun 20th, 2019

Colombo Gazette – Sinhala

News, views and more

ශ්‍රී ලංකන් ගුවන් සමාගම විකුණලා

ශ්‍රී ලංකන් ගුවන් සමාගම විකුණා දැම්මට යන බවත් ඊට අදාල කටයුතු ඉදිරි සතිය තුළදී සිදු වන බව ශ්‍රී ලංකන් ගුවන් සේවයේ නිදහස් සේවක සංගමය සහ ශ‍්‍රී ලංකන් කේටරින් ආයතනයේ වෘත්තීය සමිති නිලධාරීහු පවසයි.

ඒ අනුව ශ‍්‍රී ලංකන් ගුවන් සේවය එල්. ටී. ටී. ඊ. මුදල් ප‍්‍රතිපාදන යටතේ ක‍්‍රියාත්මක වන ලයිකා මොබයිල් ආයතනය වෙත විකුණා දැමීම සදහා වූ කැබිනට් පත‍්‍රිකාව ආණ්ඩුව අමාත්‍ය මණ්ඩලය වෙත ඉදිරිපත් කරන බව ශ‍්‍රී ලංකන් ගුවන් සේවයේ ශ‍්‍රී ලංකා නිදහස් සේවක සංගමයේ සභාපති ජනක විජේපතිරත්න මහතා පවසයි.

මෙම ගනුදෙනුව පිටුපස 1998 දී ශ‍්‍රී ලංකන් ගුවන් සේවය එමිරේට්ස් සමාගමට විකුණා දැමීම සදහා මුල් වූ රටේ උසස්ම තනතුරක් දැරූ කාන්තාවක් මෙන්ම වත්මන් මුදල් අමාත්‍යාංශයේ උපදේශකවරයකු ද සිටින බවද සභාපතිවරයාසදහන් කරයි.

මේ සඳහා මූලික පියවරක් ලෙස ශ‍්‍රී ලංකන් ගුවන් සේවයේ පවතින විවිධ දෙපාර්තමේන්තු අතරින් වඩාත්ම ලාභදායී දෙපාර්තමේන්තු දෙක වන ශ‍්‍රී ලංකා කේටරින් සහ සේවා අංශය ශ‍්‍රී ලංකන් ගුවන් සේවයෙන් ඉවත් කර ඒවා ලයිකා මොබයිල් ආයතනයට විකුණා දැමීමට පිඹුරුපත් දැනට සකසා ඇති බවත්, මේ නිසා ශ‍්‍රී ලංකන් ගුවන් සේවය නිකම්ම ඇදවැටී බංකොළොත් වන බවත් සභාපතිවරයා පවසයි.

එමෙන්ම මේ වනවිට ලයිකා මොබයිල් ආයතනය ද දැනට ශ‍්‍රී ලංකන් ගුවන් සේවයේ සිටින වඩාත් අත්දැකීම් සහිත ගුවන් සේවා නිලධාරීන් පිරිසක් ද තම ඉදිරි සේවා කටයුතු සඳහා බඳවා ගෙන ඇති බව ද ඔහු කීවේය.

පසුගිය වසර 10 ක කාලයේ ද ශ‍්‍රී ලංකන් ගුවන් සේවය ලැබූ අලාභය රුපියල් බිලියන 85 ක් බවත්, එහෙත් වත්මන් රජය යටතේ මෙම පසුගිය වසර 4 ක අලාභය රුපියල් බිලියන 100කි. මෙවැනි විශාල අලාභයක් ලැබීමට ප‍්‍රධාන වශයෙන් කරුණු 03 ක් හේතු වූ බවත්, මෙයින් පළමු වැන්න පසුගිය වසර 4 ක කාලයේදී අමාත්‍යාංශ 04 ක් යටතේ , අමාත්‍යවරුන් 08 දෙනකු යටතේ විධායක නිලධාරීන් 04 දෙනකු සහ සභාපතිවරුන් 03 ක් යටතේ ආයතනය පාලනය කිරීමට සලස්වා තිබීම බවද ඔහු පැවසීය.

දෙවැනි කරුණ වන්නේ පසුගිය රජය සමයේ ශ‍්‍රී ලංකන් ගුවන් සේවය සඳහා මිලදී ගැනීමට සැලසුම් කළ පුළුල් බඳ සහිත නවීනතම ඒ.- 350 එයා බස් ගුවන් යානා ගනුදෙනුව අහෝසි කිරීම තුළින් පැරණි ගුවන් යානා ගුවන් සේවයට එක් වූ අතර, ප‍්‍රංශයේ එයා බස් සමාගමට වන්දි මුදල් ගෙවීමට සිදුවීම බවත්ඔහු කියයි.

ඔවුන් මාධ්‍ය හමුවක් තබමින් මෙය ප්‍රකශ කෙරූ අතර ශ‍්‍රී ලංකන් ගුවන් සේවයේ ශ‍්‍රී ලංකා නිදහස් සේවක සංගමයේ නිලධාරීන් මෙන්ම ශ‍්‍රී ලංකන් කේටරින් ආයතනයේ වෘත්තීය සමිති නිලධාරීහු ද මීට එකතු වී සිටියේය.

Leave a Reply

Your email address will not be published. Required fields are marked *

%d bloggers like this: