අගමැති ජනපති රහස් හමුව ජනපති පොදු අපේක්ෂකයා කරවීමටද ?

ජනාධිපති මෛත්‍රීපාල සිරිසේන, අගමැති රනිල් වික්‍රමසිංහ, ඇමැති මලික් සමරවික්‍රම යන තිදෙනාගේ රහසිගත හමුවක් ඊයේ දිනයේ සිදුව ඇති බව වාර්තා වෙයි. මෙම හමුව සිදුව ඇත්තේ මහනුවර පිහිටි මලික් සමරවික්‍රම මහතාගේ නිවසකදී බවයි ආරංචි මාර්ග පවසන්නේ.

එහිදී ඔවුනට දිවා ආහාරයද සූදානම් කර තිබී ඇත අතර මෙහිදී තිදෙනා අතර කුමන ආකාරයෙන් සාකච්ඡාවක් වූයේ දැයි කිසිදු තොරතුරක් නැත.

නමුත් මෙම හමුව ඉදිරි මැතිවරණය සම්බන්දයෙන් බවද කියවේ. මේ දින වල එජාප මන්ත්‍රීවරුන් එක දිගට පැවසුවේ ජනපති පොදු අපේක්ෂකයා ලෙසින් ඉදිරිපත් කර බවය. එ සදහා ඔවුන් ප්‍රසිද්දියේ ජනපතිට ආරාධනා කර තිබිණි.

ජනාධිපතිවරණය සඳහා එක්සත් ජාතික පක්ෂයේ අපේක්ෂකයෙක් පොදු අපේක්ෂකයා ලෙස ඉදිරිපත් වන බව රාජ්‍ය අමාත්‍ය අශෝක් අබේසිංහ මහතා පවසා තිබු අතර එය අප වාර්තා කළෙමු. 2015 ජනාධිපතිවරණයට මෛත්‍රීපාල සිරිසේන මහතා පොදු අපේක්ෂකයා ලෙස ඉදිරිපත් කළ ආකාරයෙන් මෙවර එක්සත් ජාතික පක්ෂයේ පුද්ගලයෙකු පොදු අපේක්ෂකයා ලෙස ඉදිරිපත් කරන බව අශෝක් අබේසිංහ මහතා මෙහිදී වැඩි දුරටත්පවසා තිබුණේ දැඩි විශ්වසයකිනි.

එමෙන්ම පසුගිය ද ශ්‍රීලනිපය සහ පොහොට්ටුව සාකච්චා බිද වැටි තිබුණේ දෙපාර්ශවය විසින් ජනාධිපති අපේක්‍ෂකයා සම්බන්දයෙන් එකගතාවයකට නොපැමිණීම හේතුවෙනි.

ශ්‍රී ලංකා පොදුජන පෙරමුණේ සාමාජිකත්වයට ශ්‍රී ලංකා නිදහස් පක්ෂය සම්බන්ධයෙන් දැඩි අවිශ්වාසයක් ඇතිවී තිබෙන බව ශ්‍රීලපොප සභාපති මහාචාර්ය ජී. එල්. පීරිස් මහතා මේ පිලිබදව අදහස් දක්වමින් පැවසුවේය. ඔහු සදහන් කලේ අයවැය දෙවැනිවර කියවීමේ ඡන්දයේදී ආණ්ඩුවට විරුද්ධව ඡන්දය ප්‍රකාශ නොකිරීම නිසා මෙම අවිශ්වාසය හටගෙන ඇති බවය. අයවැයට විරුද්ධව ඡන්දය ප්‍රකාශ කිරීම සඳහා එදින උදෑසන ශ්‍රීලනිපය එකඟ වූ නමුත් අවසානයේ ඔවුන් ඡන්දය ප්‍රකාශ කිරීමෙන් වැළකී සිටිය බව ද ජී. එල්. පීරිස් මහතා සිහිපත් කළේය.

එම සාකච්චා බිද වැටීමෙන් අනතුරුව එජාපය සමග ශ්‍රීලනිපය සාකච්චා යන බව කියවිණි. නැවත ජාතික ආණ්ඩුවක් සැදීම පිළිබදවද පසුගියදා අගමැතිවරයා විසින් ප්‍රකාශ කළේය.

 

AS.

 

LEAVE A REPLY

Please enter your comment!
Please enter your name here