රාජ්‍ය සේවකයින් ලක්ෂපහහමාරකට අලුත් අවුරුද්දට පෙර පඩි නැ


අභ්‍යන්තර හා ස්වදේශ කටයුතු සහ පළාත් සභා හා පළාත් පාලන අමාත්‍යංශයේ අතැම් වැය ශීර්ෂ පරාජය විම හමුවේ රාජ්‍ය සේවකයින් ලක්ෂ පහහමාරකට වැටුප් සහ දීමනා සිංහල හා දෙමළ අලුත් අවුරුද්දට පෙර ගෙවිමට නොහැකි වන බව අමාත්‍ය වජිර අබේවර්ධන මහතා පවසයි.

අමාත්‍යවරයා නිකුත් කල නිවේදනයක දැක්වෙන්නේ පළාත් සභා නවයේ සහ පළාත් පාලන ආයතන 341ක සේවකයින්ට මෙම තත්ත්වය ඇති බවයි.

පක්ෂ නායකයින් ගෙන තිබු තීන්දුවට පරිභාහිරව පසුගිය 28 වන දින අදාළ වැය ශිර්ෂ පරාජය කිරිමට විපක්ෂ මන්ත්‍රි වරුන් ගත් ක්‍රියා මාර්ග හේතුවෙන් බරපතල ගැටළු කාරි තත්ත්වයක් ඇතිවන බවද අදාළ නිවේදනයේ දැක්වෙයි

ශ්‍රි ලංකා පොදුජන පෙරමුණටම බලය හිමිවි ඇති පළාත් පාලන ආයතන සහ පළාත් සභා ක්‍රියාකාරිත්වය ඔවුන් විසින්ම බිඳ දැමිම පුදුමයට කරුණක් බවද අමාත්‍යවරයා පෙන්වා දෙයි.

එසේ නොමැති වුවහොත් පළාත් සභා හා පළාත් පාලන ආයතන අක්‍රිය විමේ වගකීම ඔවුන් විසින්ම භාර ගත යුතු බවද අමාත්‍යවරයා අවධාරනය කර සිටියි.

ඉතිහාසයේ විවිධ අවස්ථාවල වැය ශිර්ෂ පරාජය කරත් ඉන් ආණ්ඩුවට කිසිවක් සිදු නොවු බව පෙන්වා දෙන අමාත්‍ය වජිර අබේවර්ධන මහතා පවසන්නේ මාස කිහිපයක් වැටුප් නොලැබීමෙන් අහිංසක රාජ්‍ය සේවකයින් බරපතල ඛේදවාචකයකට ඇද දැමීමක් බවයි.

එහි බලපෑම දිස්ත්‍රික් ලේකම් කාර්යාලවල සමස්ත කාර්යමණ්ඩල ,ප්‍රාදේශිය ලේකම් කාර්යාලවල සමස්ත කාර්ය මණ්ඩල, සියලුම ග්‍රාම නිළධාරින්වරුන් ,සංවර්ධන නිලධාරින් සහ අනෙකුත් නිලධාරින් ඇතුළුව පළාත් නවයේ හා පලාත් පාලන ආයතන 341 ක සේවකයින්ට බලපාන අතර එහි ක්‍රියාකාරිත්වය සම්පුර්ණයෙන් අඩපන කොට ඇති බව අදාල නිවේදනයේ සඳහන් වෙයි.

LEAVE A REPLY

Please enter your comment!
Please enter your name here