නව තානාපති හා මහකොමසාරිස්වරුන් 14 කට අනුමැතිය

රාජතාන්ත්‍රික සේවය සඳහා ඉදිරිපත් වු 14 දෙනෙකුගේ නාමයෝජනා උසස් නිලතල සඳහා වන පාර්ලිමේන්තු කාරක සභාවේ අනුමැතිය ලැබී ඇති බව විදේශ කටයුතු අමාත්‍යංශය අද නිවේදනය කළේය.

විදෙස් රටවල ශ්‍රී ලංකා රාජතාන්ත්‍රික කාර්යාලවල ප්‍රධානීන් ලෙස ජනාධිපතිතුමා විසින් නම් කළ අදාල නිළධාරීන්ගේ නාමයෝජනා වලට පසුගිය 27 වැනිදා උසස් නිලතල සඳහා වන පාර්ලිමේන්තු කාරක සභාවේ අනුමැතිය ලැබී තිබේ.

ඒ අනුව නිව්යෝර්ක් හි එක්සත් ජාතීන්ගේ නිත්‍ය නියෝජිතවරිය ලෙස කේ.ඩී සෙනවිරත්න, ඇමරිකාවේ ශ්‍රී ලංකා තානාපති ලෙස රොඩ්නි පෙරේරා, යුරෝපා සංගමයේ හා බෙල්ජියම් හි ශ්‍රී ලංකා තානාපතිනිය ලෙස ග්‍රේස් ආසිර්වාදම්, යන මහත්ම මහත්මීන් පත්කර ඇත.
මීටඅමතරව නෙදර්ලන්තයේ නව තානාපතිවරයා ලෙස ඒ.එස් නාකන්දල, ඉන්දුනීසියානු නව තානාපතිවරිය ලෙස වයි.කේ ගුණසේකර, තායිලන්ත තානාපතිවරිය ලෙස ජේ.ඒ.එස්.කේ ජයසූරිය, බහරේන්හි නව තානාපතිනිය ලෙස ප්‍රදීපා සේරම්, පිලිපීන තානාපතිනිය ලෙස ශෝබිනී ගුණසේකර , ඔස්ට්‍රියා නව තානාපති ලෙස සරෝජා සිරිසේන, එක්සත් අරාබි එමීර් රාජ්‍ය සඳහා එම්.ජේ.පී ජයසිංහ, ඊශ්‍රායල තානාපති ලෙස වරුණ විල්පත, සිංගප්පූරු මහ කොමසාරිස්වරිය ලෙස ශෂිකලා ප්‍රේමවර්ධන, තුර්කියේ නව ශ්‍රී ලංකා තානාපති ලෙස රිස්වි හසන් යන මහත්ම මහත්මීන් පත්කර තිබේ.

මෙම පත්කිරීම් සමග විදෙස් රටවල ශ්‍රී ලංකා රාජ්‍ය තාන්ත්‍රික කාර්යාල වල ප්‍රධානීත්වය දරණ වෘත්තීය රාජ්‍යතාන්ත්‍රිකයින් ප්‍රතිශතය 36.57% සිට 46% දක්වා ඉහල ගොස් ඇත.

ශ්‍රී ලංකාව විදෙස් රටවල් 52 ක තානාපති හා මහකොමසාරිස් කාර්යාල පවත්වාගෙන යනු ලබයි.

LEAVE A REPLY

Please enter your comment!
Please enter your name here