Mon. Jun 24th, 2019

Colombo Gazette – Sinhala

News, views and more

මන්නාරම දකුණු මුහුදේ පාවී ආ බීඩි කොල තොගය

මන්නාරම දකුණු මුහුදු තීරයේ සිදු කළ සෝදිසි කිරීමකදී මුහුදේ පාවෙමින් තිබූ බීඩී කොළ තොගයක් අද නාවික හමුදාවේ නිලධාරීන් විසින් සොයාගෙන තිබේ.

මෙම බීඩී කොළ තොගය පාර්සල් 33 ක බහා තිබී ඇති අතර එහි බර කිලෝග්‍රෑම් 1456.1 ක් බවයි නාවික හමුදාව සඳහන් කලේ.

නීති විරෝධී අන්දමින් මෙරටට රැගෙන ඒම සඳහා මෙම බීඩි කොල තොගය මුහුදේ පා කිරීමට කටයුතු කොට ඇති බවට සැක ‍කරන අතර අදාල බීඩී කොළ තොගය ඉදිරි පරීක්ෂණ කටයුතු සඳහා යාපනය, රේගු කාර්යාලය වෙත භාර දීමට නියමිතයි. 

තවද, පසුගිය මාර්තු 26 වන දින වයඹ නාවික විධානයට අනුයුක්ත නාවිකයින් පිරිසක් විසින් උඩප්පුව මුහුදු ප්‍රදේශයේ සිදු කළ සෝදිසි කිරීමකදී මුහුදේ පාවෙමින් තිබූ බීඩී කොළ කිලෝග්‍රෑම් 1232.5 ක ප්‍රමාණයක් සොයා ගන්නා ලදී.

ඒ අනුව, මෙම වර්ෂයේදී පමණක් නීති විරෝධී ලෙස බිඩී කොළ මෙරටට රැගෙන ඒමට උත්සහ කරන ලද අවස්ථාවන් 08 කදි පුද්ගලයින් 09 දෙනෙකු අත්අඩංගුවට ගෙන ඇති අතර, එහිදී බීඩී කොළ කිලෝග්‍රෑම් 8000 කට අධික ප්‍රමාණයක් නාවික හමුදාව විසින් අත්අඩංගුවට ගැනීමට කටයුතු කොට ඇත

නාවික හමුදාව විසින් සිදු කරනු ලබන නිරන්තර මෙහෙයුම් හේතුවෙන් සාගරය ප්‍රයෝජනයට ගනිමින් නීති විරෝධී ක්‍රියාවන් සිදු කරනු ලබන ජාවාරම්කරුවන් නීතියේ රැහැනට කොටු කර දීමට හැකි වි ඇති අතර, ඉදිරියේදී ද මෙවැනි නීති විරෝධී ජාවාරම් මැඩපැවැත්වීමට නාවික හමුදාව නිරන්තර මෙහෙයුම් සිදු කරමින් සිටින බව නාවික හමුදාව පවසයි .

Leave a Reply

Your email address will not be published. Required fields are marked *

%d bloggers like this: