Thu. Jun 20th, 2019

Colombo Gazette – Sinhala

News, views and more

උතුරේ සහජීවනයට ඉතිහාසයේ ප්‍රථම වතාවට උතුරේ බොදු සමුළුවක්

උතුරු පළාතේ ආගමික සහජීවනය වර්ධනය කිරීම උදෙසා ගතයුතු ක්‍රියාමාර්ග, අදහස් හා යෝජනා සාකච්ඡා කරමින්  උතුරු පළාතේ ප්‍රථම වතාවට බොදු සමුළුවක් පැවැත්වීමට කටයුතු යොදා තිබේ. ඒ ශ්‍රී ලංකාවාසී හා ලෝකවාසී සියලූ දෙනාට සුභවාදී පණිවිඩයක් ලබාදීම අපේක්ෂාව වෙයි.

උතුරු නැගෙනහිර දෙපළාතේ ප්‍රධාන සංඝනායක වවුනියාව දිස්ත්‍රික් ශාසනාරක්ෂක බල මණ්ඩලයේ  සභාපති පූජ්‍ය සියඹලාගස්වැව විමල සාරස්වාමීන් වහන්සේගේ අනුශාසකත්වයෙන් සහ බුද්ධ ශාසන අමාත්‍ය ගාමිණී ජයවික්‍රම මහතාගේ හා උතුරු පළාත්ආණ්ඩුකාරවර ආචාර්ය සුරේන් රාඝවන් මහතාගේ ප්‍රධානත්වයෙන් මෙම බොදු සමුළුව පැවත්වීමට පියවර ගෙන තිබුණි. බොදු සමළුව අද උදෑසන ආරම්භ කෙරුනේ පූජ්‍ය වැලිමිටියාවේ කුසලධම්ම නායක හිමියන්ගේ ප්‍රධානත්වයෙනි.

ඉතිහාසයේ පළමු වතාවට පවත්වනු ලබන උතුරු පළාත් බොදු සමුළුව උතුරු පළාත් ආණ්ඩුකාරවර ආචාර්ය සුරේන් රාඝවන් මහතාගේ සංකල්පයක් මත සිදුකරනු ලබන අතර උතුරු පළාත් ආණ්ඩුකාරවර කාර්යාලයේ මෙහෙයවීමෙන්, බුද්ධ ශාසනඅමාත්‍යාංශයේ, ප්‍රදේශයේ දේශපාලන නායකයින්ගේ, ත්‍රිවිධ හමුදාවේ සහ රාජ්‍ය නිලධාරීන්ගේ පූර්ණ සහයෝගය ඇතිව අද (29) දින වවුනියාව ශ්‍රී බෝධි දක්ෂිණාරාමයේදී උතුරු පාලාතෙ ඇතුලු දිවයිනේ විවධ පලාත්හි විහාරාධිපති හිමියන් වහන්සේලාගේ සහභාගීත්වයෙන් උත්සවාකාරයෙන් ආරම්භ කෙරුණි.

මෙම බොදු සමළුව වෙනුවෙන් අටමස්තානාධිපති පූජ්‍ය පල්ලේගම හේමරතන හිමයන් ඇතුලු භික්ෂූන් වහන්සේලා විශාල පිරිසක්ද නියෝජ්‍ය අමාත්‍ය බුද්ධික පතිරණ , පාර්ලිමේන්තු මන්ත්‍රී කාදර් මස්තාන් වන්නි ආරක්ෂක සේනා ආඥාපති මේජර් ජෙනරල් කුමුදු පෙරේරා , ඇතුලු පිරිසක් සහභාගී වූහ.

Leave a Reply

Your email address will not be published. Required fields are marked *

%d bloggers like this: