පොලිසිය වැඩ කරන්නේ රුවන්ට ඕන විදියට. නදිමාල් අමල් නිර්දෝශියි

ශ්‍රී ලංකාවේ පොලිසිය විමර්ශන කටයුතු සිදු කරන්නේ පොලිස් මාධ්‍ය ප්‍රකාශකවරයාට වුවමනා ආකරයෙන් බවට නීතීඥ උදුල් ප්‍රේමරත්න මහතා චෝදනා කරයි.

අලුතින් සොයාගත්තේ මොනවාදැයි පොලිස් මාධ්‍ය ප්‍රකාශකවරයා විමර්ශන නිලධාරීන්ගෙන් ප්‍රශ්න කරන බවත් විමර්ශන කටයුතු සිදුවිය යුත්තේ ඔහුට වුවමනා ආකාරයට බවත් ඉන් ඉදිරියට පැයෙන් පැයට ඔහුට ප්‍රවෘත්ති ලබා දිය යුතු බවත් නීතීඥවරයා ප්‍රකාශ කළේය.

තමන් මෙය පවසන්නේ වගකීමෙන් යුතුව බව පැවසූ ඒ මහතා මේ පිළිබඳව අභියෝග කරන්නේ නම් තමන් මෙය පොලිස් මාධ්‍ය ප්‍රකාශකවරයාට ඔප්පු කර පෙන්වන බවත් අවධාරණය කළේය.

එසේම අමල් පෙරේරා සහ නදීමාල් පෙරේරා යන දෙදෙනා මත්ද්‍රව්‍ය හෝ දියමන්ති හෝ ජනාධිපති ඝාතන කුමන්ත්‍රණ හෝ වැනි කිසිම දෙයකට සම්බන්ධ අය නොවන බවත් ගීත ගායනා කිරීමට ගිය ගායකයින් දෙදෙනෙකු සහ මත්ද්‍රව්‍ය චෝදනා ඇති අය ඇත්නම් ඔවුන් වෙන්කර හඳුනා ගැනීමට ඩුබායි පොලිසියට බැරිකමක් නොමැති බවත් ශ්‍රී ලංකාවේ පොලිසියට මෙන් ඩුබායි පොලිසියට පිස්සු නොමැති බවත් උදුල් ප්‍රේමරත්න මහතා සඳහන් කළේය.

කෙසේවෙතත් ඊයේ (27) පැවති මාධ්‍ය හමුවකදී මේ පිළිබඳව මාධ්‍යවේදීන් විමසූ විට පොලිස් මාධ්‍ය ප්‍රකාශක රුවන් ගුණසේකර මහතා පැවසුවේ ඕනෑම කෙනෙකුට ඕනෑම දෙයක් කිව හැකි බවත් තමන් ප්‍රකාශ කරන්නේ නෛතික රාමුව තුළ ප්‍රකාශ කළ හැකි කරුණු පමණක් බවත්ය.

LEAVE A REPLY

Please enter your comment!
Please enter your name here