අල්ලස් ,දුෂණ තුරන් කරන්නට හැකිවෙයිද?

අල්ලස් නීතිය ක්‍රියාත්මක කොට අල්ලස, දූෂණය රටින් මුලිනුපුටා දැමීම සිහිනයක්දැයි සිතෙයි.ඒ තරමටම අල්ලස, දුෂණය රටේ පිළලයක් බවට පත්ව ඇත.

අල්ලස හා දූෂණය තුරන් කිරීමේ පස් අවුරුදු ජාතික ක්‍රියාකාරි සැලැස්ම පසුගියදා එළිදක්වනු ලැබුවා.

ශ්‍රී ලංකාව තුළ වංචාව සහ දූෂණය තුරන් කරමින් එමඟින් ආර්ථික, සාමාජයීය, සංස්කෘතික සහ පාරිසරික වශයෙන් තිරසර සංවර්ධනයක් උදාකර ගැනීම මෙම ක්‍රියාකාරි සැලැස්ම සකස් කිරීමේ අරමුණයි.

වසරක පමණ කාලයක් අල්ලස් පනතේ අල්ලස, දූෂණය, වත්කම්, බැරකම් දඬුවම් සහ වෙනත් ඊට අදාළ දුර්වල නීතිරීති අණ පනත්වලට සම්බන්ධ කරුණු කැබිනට් මණ්ඩල අනුමැතියෙන් සංශෝධනය කර ඒ අනුව මෙම නව නීතිරීති ඇතුළත් පස් අවුරුදු ජාතික ක්‍රියාකාරි සැලැස්ම සකස් කර තිබේ.

මෙරට සියලු රාජ්‍ය ආයතන ව්‍යූහයන්හි අල්ලස නිවාරණය, හර පද්ධති වැඩිදියුණු කිරීම, දඬුවම් ක්‍රමවේද හා නීති ප්‍රතිපත්ති සංශෝධනය කිරීම යන ප්‍රධාන සාධක පදනම් කර ගනිමින් මෙම ජාතික ක්‍රියාකාරි සැලැස්ම සකස් කර තිබෙන බවත්එ එහිදී සාකච්ඡා වට 40 ක් පමණ පවත්වා විද්වතුන්, විදෙස් විශේෂඥයන්, මහජනතාව ඇතුළු විවිධ තරාතිරම්වල පිරිස්වල අදහස් විමසීමට අල්ලස් හෝ දූෂණ විමර්ශන කොමිෂන් සභාව කටයුතු කල බව පැවසෙයි.

අල්ලසක් යනු නිල රාජකාරි කටයුතු කිරීමේදි රජයේ නිලධාරිවරයකු වෙත ලබා දෙන හෝ රජයේ නිලධාරියකු ඉල්ලනු ලබන තුටු පඬුරකි.එසේම යම් තැනැත්තකු තම දැනුවත් භාවයෙන් හෝ කැමැත්ත සහිතව සෘජුව හෝ වක්‍රව වෙනත් අයෙකු වෙනුවෙන් තුටු පඬුරක් ඉල්ලා සිටීමද වරදකි.1954 අංක 11 දරණ අල්ලස් පනතට අනුව අල්ලසක් ලබාගත් විට වසර 7 කට නොවැඩි බරපතල සිරදඬුවම් හිමිවෙයි .එසේම රුපියල් 5000 වැඩි නොවන දඩයකටද යටත් වෙයි.තුටු පඬුරෙහි වටිනාකමදගෙවිය යුතු අතර
මෙම දඬුවම් වලට අමතරව අල්ලස් මාර්ගයෙන් ලබාගත් මුදලට අඩුනොවන දඩයක් හා එම මුදල මෙන් තුන්ගුණයකට වැඩි නොවන දඩමුදලක් අයකර ගනියි.එසේම අත්පත්කරගත් දේපලද රාජසන්තක කරනු ලබයි.

කෙසේ වෙතත් අල්ලස හා දුෂණය මැඩලීම වෙනුවෙන් පැහැදිලි වැඩ පිලිවෙලක් ක්‍රියාත්මක වුවද වැරදිකරුවන්ට එරෙහිව නීතිය ක්‍රියාත්මක කිරීමේදි කොතරම් දුරට එය සාධාරණව සිදුවන්නේද යන්න පිලිබඳව ඇත්තේ ගැටළුවකි.

පසුගිය වර්ෂය වනවිට අල්ලස් ලබාදීම,අල්ලස් ලබාගැනීම යන චෝදනා වලට වරදකරුවන් වීඇති සංඛ්‍යාව 64 ක්.මෙම වරදකරුවන් 64 දෙනා අතර දේශපාලඥයින්,රාජ්‍ය නිලධාරීන් වැඩි පිරිසක් සිටින බව කල විමසීමේදී අල්ලස් හෝ දුෂණ චෝදනා විමර්ශන කොමිෂන් සභාවේ මාධ්‍ය ප්‍රකාශක ජේ්‍යෂ්ඨ පොලිස් අධිකාරි ප්‍රියන්ත චන්ද්‍රසිරි මහතා සඳහන් කලා.එසේම අල්ලස් සම්බන්ධ නඩු පසුගිය වසරේ සිට මේ දක්වා 61ක් පවරා ඇති බවද ඒ මහතා ප්‍රකාශ කලා.

මින් වැඩිපිරිසක් දේශපාලඥයින් සහ උසස් රාජ්‍ය නිලධාරීන්ය .රටේවගකිවයුතු නිලධාරීන්ගේ මෙවැනි ක්‍රියා පිලිකුල් සහගතය.

කෙසේ වුවද අල්ලස හා දුෂණය තුරන් කිරීමේ පස් අවුරුදු ජාතික ක්‍රියාකාරි සැලැස්මෙන්වත් අල්ලස හා දුෂණය ⁣රටින් තුරන් කිරිමට හැකි වන්නේ නම් යහපතකි.

වරුණි පෙරමුණ

 

LEAVE A REPLY

Please enter your comment!
Please enter your name here