ශිෂ්‍යත්ව විභාගය සම්පූර්ණයෙන්ම අහෝසි කරන්න තීරණයක් අරන් නැහැ

ශිෂ්‍යත්ව විභාගය සම්පූර්ණයෙන්ම අහෝසි කිරීම සම්බන්ධයෙන් මෙතෙක් කිසිඳු තීරණයක් ගෙන නොමැති බව අධ්‍යාපන අමාත්‍යාංශයේ පාසල් කටයුතු පිළිබඳ අතිරේක ලේකම් ආර්.එම්.එම්. රත්නායක මහතා පවසයි.

පොළොන්නරුව රාජකීය විද්‍යාලයේ අභිනවයෙන් ඉදිකළ මෛත්‍රී ශිල්ප කලා මණ්ඩපය ඊයේ(25) පස්වරුවේ සිසු අයිතියට පවරාදීමේ උත්සවයට එක්වෙමින් ජනාධිපති මෛත්‍රීපාල සිරිසේන මහතා සඳහන් කළේ 05 ශ්‍රේණිය ශිෂ්‍යත්ව විභාගය අහෝසි කිරීමට රජය තීරණය කර ඇති බව පවසා තිබිණි.

ජනාධිපතිවරයාගේ මෙම ප්‍රකාශයෙන් අනතුරුව සමාජය තුළ මේ සම්බන්ධයෙන් දැඩි කතාබහක් නිර්මාණය වී තිබේ. ශිෂ්‍යත්ව විභාගය අහෝසි කිරීමට රජය ගෙන ඇති මෙම තීරණය පිළිබඳ ලංකා ගුරු සේවා සංගමයේ ප්‍රධාන ලේකම් මහින්ද ජයසිංහ මහතා සඳහන් කළේ  ශිෂ්‍යත්වයට විකල්පයක් අවශ්‍ය බවයි. එ අනුව අධ්‍යාපන අමාත්‍යාංශයේ පාසල් කටයුතු පිළිබඳ අතිරේක ලේකම් ආර්.එම්.එම්. රත්නායක මහතා ද පැවසු එවන් තීරණයක් ගෙන නොමැති බවය.

LEAVE A REPLY

Please enter your comment!
Please enter your name here