විදුලිය කැපීම දින දහයෙන් නවත්වන්න බැහැ:විදුලි ඉංජිනේරු සංගමය


දින 10 ක කාලයක් දීප ව්‍යාප්ත මට්ටමින් විදුලිය කපාහැරීම මේ වනවිට ආරම්භ වී තිබේ.මෙහිදී දිවා කාලයේ පැය 3ක් හා රාත්‍රි කාලයේ පැයක් වශයෙන් දිනකට පැය 4 ක් විදුලිය කපාහැරීමට සිදුවන බවට දැනුම් දෙයි.මේ සම්බන්ධයෙන් colombogazette sinhala විමසීමක් කලා විදුලි ඉංජිනේරු සංගමයේ සභාපති ඉංජිනේරු සෞම්‍ය කුමාරවඩු මහතාගෙන්.එහිදී ඔහු කියා සිටියේ පවතින තත්ත්වය හමුවේ දින 10 ක් වැනි කාලයක් තුල දි මෙලෙස විදුලිය කපා හැරිම නැවැත්වීමට නොහැකි බවයි.

මේ සම්බන්ධයෙන් අප සමඟ ඔහු මෙලෙස වැඩිදුරටත් අදහස් දැක්වීය.

දීප ව්‍යාප්තව දින 10 ක් විදුලිය කපාහැරීමෙන් මේ විදුලිය අර්බුදයට විසඳුම් ලබාගත හැකිද?

පැහැදිලිව කියන්න ඕන දවස් දහයකින් විදුලිය දෙන්න පුළුවන් කියලා අපි කියලා නැහැ.සෑහීමකට පත්වෙන ප්‍රමානයකට ජලාශ වලට වතුර පිරෙනකල් මෙය කල නොහැකියි.බලාගාර කිහිපයක් දවස් 10 ක් ඇතුලත පද්ධතියට එකතුවෙන්න තියෙනවා ඒ වුනාට දවස් 10 කින් මේ විදුලිය කපා හැරීම නවත්වන්න පුළුවන් වෙයි කියලා මම හිතන්නෙ නැහැ.

මෙ තත්ත්වය ඇතිවීම⁣⁣ට හේතුව මොකද්ද?

මේකට හේතුව කිසිම බලාගාරයක් පසුගිය අවුරුදු 5 තුල හැදිච්ච නැති එක.අවුරුද්දකට මෙගා වොට් 150කින් ඉල්ලුම වැඩිවෙනවා.මෙගා වොට් 150 ක් කියන්නෙ ඉහල කොත්මලේ වැනි බලාගාරයක ධාරිතාව .අවුරුදු 4කින් පහකින් කිසිම බලාගාරයක් හැදිලා නැහැ.අපේ සැලසුම් වල තියෙනවා මෙගා වොට් 500 ක බලාගාර හදන්න 2014 ඉදලා 2019 වෙනකොට හදන්න ඒ එකක්වත් හැදිලා නැහැ.නොරොච්චෝලේ කැඩුන එකවත් වැස්ස නැති එකවත් නෙමෙයි ප්‍රශ්නෙ.වැස්ස නෑ කියලා ලයිට් කපන්න බැනේ.

මේ සඳහා විකල්ප ක්‍රම නැද්ද?

වියදම් අධික විකල්ප තියෙන්නේ වියදම් අඩු විකල්ප විදිහට තියෙන්නෙ ජල විදුලි බලාගාර ,ගල් අඟුරු බලාගාර හදන්නඕන නොරොච්චෝලෙන් මෙගා වොට් 45% විතර දෙනවා.නොරොච්චෝලේ නැත්නම් අනාථයි.රුපියල් 16කට අපි ජනතාවට විදුලි ඒකකයක් දෙන්නෙ.රුපියල් 16කට අඩු විදුලි ඒකකයක් නිපදවුවහොත් තමයි අපිට පාඩු නැතුව දුවන්න පුළුවන් වෙන්නෙ.ගල්අඟුරු ජලවිදුලි බලාගාර එහෙම නැත්නම් LNG බලාගාර වෙන්න ඕන අඩු වියදම් බලාගාර .අපේරටේ LNG බලාගාර තාම නැහැ.අඩු වියදම් බලාගාර අවුරුදුතුන හතරකින් හදාගන්න බැහැ.ඒ නිසා ලයිට් නොකපා ඉන්න විදිහක් නැහැ.වියදම් අධික විදුලි බලාගාර මාස දෙකෙන් ගහනවා.ජනතාවට තමයි මේවගේ බර දැනෙන්නේ .
එක්කො ලයිට් කපන්න වෙනවා.නැත්නම් අධික වියදම් සහිත බලාගාර ඉදිකරන්න වෙනවා.

සාම්පුර් බලාගාරය හැදුවනම් මේ ගැටළුවට විසදුම් දෙන්න පුළුවන් ද?

හදන්න තිබ්බ සාම්පුර් බලාගාරය මේ ආණ්ඩ ආපු ගමන් නැවැතුවානේ 2015 දි.ඒ බලාගාරය ලබන අවුරුද්දෙ එන්න තිබ්බේ රටේ පාලකයෝ විවිධ මාෆියා වලට අහුවෙලා මේ බලාගාර ඉදිකිරීම් නැවැත්තුවා.ඒ බලාගාරේ ධාරිතාව මෙගා වොට් 500ක් ඒක ආවානම් ප්‍රශ්නෙ 90%ක් ඉවරයි.
මෙගා⁣ වොට් 300ක් එන කෙරවලපිටිය බලාගාර ය 2017 ටෙන්ඩර් ඕපන් කලා.ටෙන්ඩර් 7 ක් තිබ්බා කට්ටිය එකතු වෙලා එකක් විතරක් ඕපන් කරන්න දැගලුවා.දැන් ඒ ප්‍රශ්නය උසාවියට ගිහිල්ලා .ඔය වගේ වෙලාවට රටට අවශ්‍ය තීරනයක් ගන්න පුළුවන් නායකත්වයක්ව අවශ්‍යයි.

සංවාදය වරුණි පෙරමුණ

LEAVE A REPLY

Please enter your comment!
Please enter your name here