Thu. Jun 27th, 2019

Colombo Gazette – Sinhala

News, views and more

උතුරු මුහුදු සීමාවේ මසුන් ඇල්ලූ ඉන්දීය ධීවරයින් 11 ක් අත්අඩංගුවට


ලංකාවට අයත් උතුරු මුහුදු සීමාවේ මසුන් ඇල්ලූ ඉන්දීය ධීවරයින් 11 ක් අත්අඩංගුවට ගෙන ඇත

නීති විරෝධී ලෙස ධීවර කටයුතුවල නිරත වූ ඉන්දීය ධීවරයින් එකළොස්දෙනෙකු සහ ඔවුන්ට අයත් ට්‍රෝලර් යාත්‍රා 03 ක් අද අළුයම සහ ඊයේ (මාර්තු 25) රාත්‍රියේ නාවික හමුදා භාරයට ගෙන තිබේ.

උතුරු නාවික විධානයට අනුයුක්ත වේග ප්‍රහාරක මුර ‍නෞකාවක් මඟින් අනලතිව් දුපතට වයඹ දෙසින් වූ මුහුදු ප්‍රදේශයේදී සිදු කරනු ලැබු මුර සංචාරයක් අතරතුරදි මොවුන් මෙලෙස අත්අඩංගුවට ගෙන ඇත.

ඒ අනුව, ඉන්දීය ධීවරයින් සහ ට්‍රෝලර් යාත්‍රාව ශ්‍රී ලංකා නාවික නෞකා එළාර ආයතනය වෙත රැගෙන ඒමට කටයුතු කර ඇති අතර, එම ධීවරයින් පිරිස වෛද්‍ය පරීක්‍ෂණයකට භාජනය කිරීමෙන් අනතුරුව ඉදිරි නීතිමය කටයුතු සඳහා යාපනය, සහකාර ධිවර අධ්‍යක්‍ෂක වෙත භාර දීමට නියමිතයි.

එමෙන්ම, නාවික හමුදාව නිරන්තරව සිදු කරනු ලබන මෙහෙයුම් හේතුවෙන් පසුගිය ‍මාර්තු 23 වන දින ද මෙවැනි ආකාරයට නීති විරෝධී ලෙස මුහුදු සීමාව උල්ලංඝණය කරමින් මසුන් ඇල්ලූ ඉන්දීය ධීවරයින් එකළොස්දෙනෙකු (11) සහ ට්‍රෝලර් යාත්‍රා දෙකක් (02) නාවික හමුදා භාරයට ගැනීමට කටයුතු කරන ලදී

Leave a Reply

Your email address will not be published. Required fields are marked *

%d bloggers like this: