මත්තල ඉංදියාවට.LNG ඉදිකිරීම් චීනෙට. අගමැතිගේ වල්අලි සහ සුදුඅලි කතාව

ඉදිරි මාස තුන ගතවීමට පෙර මෙරට සිවිල් ගුවන් සේවා අධිකාරියත්, ඉන්දියාවත් එක්ව මත්තල ගුවන් තොටුපොළ ක්‍රියාත්මක කරන තත්ත්වයට පත්කරන බව අග්‍රාමාත්‍ය රනිල් වික්‍රමසිංහ මහතා පවසයි.

2017 වසරේ ජනවාරි 07 හම්බන්තොටට පැමිණි අවස්ථාවේ ගල් ගැසුවද මේ වන විට හම්බන්තොටට ක්‍රියා කරන වරායක් හිමිවී ඇති බව වික්‍රමසිංහ මහතා ප්‍රකාශ කළේය. මේ වන විට LNG විදුලි බලාගාරයක් වෙනුවෙන් චීන සමාගමක් අනුමැතිය ලබාගෙන ඇති අතර ඉදිරියේදී හම්බන්තොට ප්‍රදේශයේ එම LNG බලාගාරය ඉදිකිරීමට නියමිත බව ද අගමැති වැඩි දුරටත් පවසයි.

වැඩි දුරටත් අදහස් දැක්වූ අගමැති,

“2015 දී මැතිවරණ ප්‍රචාරණ කටයුතු සඳහා අපි හම්බන්තොටට පැමිණෙන විට මෙහි වරාය හිස් වරායක් ලෙසයි තිබුණේ. ඒ වගේම මත්තල ගුවන් තොටුපොළේ ගුවන් යානා වෙනුවට සිටියේ මොණරුන් පමණයි. ක්‍රිකට් ක්‍රීඩා නොමැති ක්‍රිකට් ක්‍රීඩාංගණ,සම්මන්ත්‍රණ නොමැති සම්මන්ත්‍රණ ශාලා, අඩක් ඉදිකර නතර කරන ලද මහා මාර්ග ආදී සුදු අලින් විශාල ප්‍රමාණයක් හම්බන්තොට ඉදිකර තිබුණා. වල් අලින් යාල වනෝද්‍යානයේ සිටින විට සුදු අලි සිටියේ හම්බන්තොටයි.”

හම්බන්තොට මිරිජ්ජවිල අපනයන සැකසුම් කලාපයේ නව තෙල් පිරිපහදුවට සහ නව සිමෙන්ති නිෂ්පාදන කර්මාන්ත ශාලවට මුල් ගල්තබමින් අගමැති මේ අදහස් පල කර තිබිණි.

LEAVE A REPLY

Please enter your comment!
Please enter your name here