අදට යෙදෙන අගමැතිගේ 70 ජන්ම දිනයට ආයෝජන අවස්ථා රැසක්ට ආරම්භයක්

අග්‍රාමාත්‍ය රනිල් වික්‍රමසිංහ මහතාගේ 70වෙනි ජන්ම දිනය ද අදට යෙදී තිබේ.

එ අනුව මෙරට සිදු කරන දැවැන්තම ආයෝජනය වන හම්බන්තොට මිරිජ්ජවිල තෙල් පිරිපහදු සංකීර්ණය සහ සිමෙන්ති කර්මාන්ත ශාලාවේ ඉදිකිරීම් කටයුතු අද රනිල් වික‍්‍රමසිංහ මහතාගේ ප‍්‍රධානත්වයෙන් ආරම්භ වේ. මෙම දැවැන්ත ආයෝජන ව්‍යාපෘතියේ ඉදිකිරීම් අක්කර 200ක සිදු කෙරෙන අතර නව තෙල් පිරිපහදු ව්‍යාපෘතියේ ඉදිකිරීම් මාස 44ක් තුළ අවසන් කිරීමට නියමිතය.

මෙම ව්‍යාපෘතිය මෙරට ආර්ථිකයේ හැරවුම් ලක්ෂය බවත් මෙම ආයෝජනය හම්බන්තොට වරාය නිම කිරීම සඳහා ගිය මුදල මෙන් තුන් ගුණයක් බව රජය සදහන් කරයි. මිරිජ්ජවිල අපනයන සැලසුම් කලාපයේ ඉදිකිරීමට නියමිත සිමෙන්ති කර්මාන්තශාලාවෙන් වසරක දී මෙටි‍්‍රක් ටොන් 3.6ක සිමෙන්ති නිෂ්පාදනය කිරීම රජයේ අරමුණ වේ. අක්කර 64ක භූමියක් පුරා ඉදිකෙරෙන මෙහි සියලූ ඉදිකිරීම් මාස 18ක් තුළ අවසන් කිරීමට සැලසුම් කර තිබේ.

අද පැවැත්වෙන උත්සවයට සහභාගී වීම සඳහා ඕමාන් ඛණිජ තෙල් සහ ගෑස් අමාත්‍ය ආචාර්ය මොහොමඞ් හමාඞ් අප් රූමි ඇතුළු දූත පිරිසක්ද ඊයේ (23) දිවයිනට පැමිණි අතර එම දූත පිරිස අග‍්‍රාමාත්‍ය රනිල් වික‍්‍රමසිංහ සහ අමාත්‍යවරුන් කිහිපදෙනෙකු සමග ද ද්විපාර්ශවික සාකච්ඡා පැවැත්වීමට නියමිතය.

LEAVE A REPLY

Please enter your comment!
Please enter your name here