Thu. Jun 20th, 2019

Colombo Gazette – Sinhala

News, views and more

චීනයත් එක්ක සැවොම රටේ අදුරට වගකිව යුතු වග පවසන පියල් නිශාන්ත

රට අදුරේ තිබීමට හේතුව චීනය පමණක්ම නොවන බවත් අඩු වැඩි වශයෙන් සැවොම වගකිව යුතු බවත් පොදුජන පෙරමුණ මේ වන තමන්ගේ ජනාධිපති අපේක්ෂකයා පිලිබදව හෙළිදරව් කර ඇති බැවින් එජාපයටත් තමන්ගේ අපේක්ෂකයා එළියට දෙන්න දැන් කාලේ හරි බව එක්සත් නිදහස් සංධානයේ  පාර්ලිමේන්තු මන්ත්‍රී පියල් නිශාන්ත මහතා පවසයි. වත්මන් දේශපාලනය උණුසුම් කරන මාර්තෘකා කිහිපයක් සම්බන්දයෙන් CGS අප ඔහු සමග කල සජීවී සංවාද සටහනකි මේ.

එජාපය පැවසුවේ රට අදුරේ තියන්නේ නැහැ කියල නමුත් අද රට අදුරේ. ඇයි මෙහෙම වෙන්නේ?

රවී කරුණානායක මහතා එහෙම කිවුවා නම් තමයි. දින කිහිපයක් ඇතුලත එක බොරු වෙලා. රවී හදන්නේ ලෝකයේ හොදම විදුලි බල ඇමති ගන්න. මොකද අද වැඩිපුර සම්මාන දෙන්නේ වැඩ කරන්නේ නැති අයටනේ. එ නිසා එක ගන්න පුළුවන් වෙයි.

නොරොච්චෝලේ අක්‍රියවීමට හේතුව අසාර්ථක චීන වියාපෘති නිසා කියලයි බොහෝ අය චෝදනා කරන්නේ. මේ ගැන ඔබේ අදහස කුමක්ද?

චීනය විතරක් නෙමෙයි. එක එක්කෙනා දේශපාලන පටු දේශපාලන අරමුණු සමග එක එක දේවල් කියනවා. මේවා වචන පමණයි. රටේ සියලු ප්‍රශ්න වලට හැමෝම අඩුවැඩි වශයෙන් වග කිව යුතුයි.

සිරිකොත ගමට වැඩසටහන හරහා එජාපය ගමට ගිහින් ?

අලියා ගිහින් විතරයි නැට්ට විතරයි ඉතුරු වෙලා තියෙන්නේ ඔවුන්ගේ පරාජය වලක්වන්න බැහැ. මෙයාලා කොහොමත් කතා විතරයි කියන්නේ පොරොන්දු විතරයි දෙන්න දන්නේ. ජනතාව දන්නවා මේ එන්නේ හොදට නෙමෙයි බලයට කෑදරකමෙන් කියලා. ජනතාව මේකට දැවැන්ත විරොධයක් දක්වනවා. මෙය අසාර්ථක වැඩපිළිවෙලක්. අපි මොනදේ ගෙනාවත් භයක් නැහැ. ඕනෑම මැතිවරණයකට මුහුණ දෙන්න අපි සුදානම්.

මැතිවරණයක් එන්නේ නැහැනේ?

නමුත් කාලය සමග අවසානයේදී ජනාධිපති මැතිවරණය හරි එන්නම ඕන. එජේපය පිස්සු බල්ලෙක්ව නවන්න ගෙනියනවා වගේ මැතිවරණයට බයයි. එවුනාට අපි බලෙන් හරි නාවන්න සුදානම්.

මුස්ලිම් මන්ත්‍රීවරුන්ට අන්තවාදීන්ගෙන් ප්‍රශ්න කියල පසුගියදා ආරක්ෂක ලේකම් හමුවේ පැමිණිල්ලක් දාලා තිබ්බා. ඇත්තද මේ කතා?

මම බේරුවල සිද්දිය ගැන කියන්නම්කො. මේවා වැරදි නම් මට විරුද්දව නීතිමය තීන්දු ගන්න පුළුවන්. ඔය කියන මුස්ලිම් අන්තවාදීන් ඉන්නේ එජාපයේ. එදත් කුමන්ත්‍රණ කලේ රනිල් ප්‍රමුඛ කණ්ඩායම. මට වගකීමෙන් නම් ගම් සහිතව කියන්න පුළුවන්. මේ අහිංසක ජනතාවට කා කියාගෙන බැරුව ඉන්න වෙලාවේ නිදහසේ ඉන්න දෙන්න ඕන එ නිසා ජාතිවාදය අවුස්සන්න එපා කියලා මම ඉල්ලනවා. කුපාඩි දේශපාලකයෝ ගෙදර යවන්න ඕන කාලේ. එකට සුදානම් වුණොත් මෙවන් දේ ඇති වන්නේ නැහැ.

ඔබලාගේ ජනාධිපති අපේක්ෂකයා ගෝඨාභය රාජපක්ෂ මහතාද?

මහින්ද මහතා ගන්න තීන්දුවේ අපි ඉන්නවා. ඔහු ගෝඨාභය නම් අපි එතන ඉන්නවා. දැන් මේ යෝජනාවට බැසිල් රාජපක්ෂ නාමල් රාජපක්ෂ චමල් රාජපක්ෂ වගේම අනෙක් අපිත් එක්ක ඉන්න පක්‍ෂ කැමැත්ත දීලා තියෙන්නේ. අපි අපේ අපේක්ෂකයා කිවුවා මම අභියෝග කරනවා එජාපයට පුළුවන් නම් එජාපයේ අපේක්ෂකයා නම් කරන්න කියලා

මේකට ශ්‍රීලනිපයේ එකගතාවයක් නැහැනේ ?

එයාල මොනවුනත් ජනතාව ඉල්ලන දේ අපි දෙන්න බැදී ඉන්නවා. ශ්‍රීලනිපය අද බෝඩ් ලෑල්ලට සිමා වෙලා. ශ්‍රීලනිපයේ දෙන්නෙක් තුන්නෙක් අනිවාර්යෙන් අන්තිම මොහොතේ බලන්න අලියාගේ නැට්ටේ එල්ලෙනවාම තමයි. එහෙම වෙන අය තමයි ප්‍රශ්ණ ඇති කරන්නේ.

සංවාද සටහන අශන්ති වරුණසුරිය

Leave a Reply

Your email address will not be published. Required fields are marked *

%d bloggers like this: