අපේක්ෂකයා මෛත්‍රීද ගෝඨාද? ශ්‍රීලනිපය පොහොට්ටුව සාකච්චා හෙටත්

පුළුල් සන්ධානයක් ගොඩනැගීම සඳහා ශ්‍රී ලංකා පොදුජන පෙරමුණ සහ ශ්‍රී ලංකා නිදහස් පක්ෂය ප්‍රමුඛ එක්සත් ජනතා නිදහස් සන්ධානය සාකච්ජා ආරම්භ කර ඇත.

ශ්‍රීලනිපය කැමැත්ත වත්මන් ජනාධිපතිට යොමු වෙද්දී පොදුජන පෙරමුණේ කැමැත්ත ගෝඨාභය රාජපක්ෂ මහතාට යොමුවී තිබීම හේතුවෙන් තවමත් ශ්‍රීලනිපය සහ පොදුජන පෙරමුණ අතර ජනාධිපතිවරණයේ අපේක්ෂකයා සම්බන්දයෙන් මතභේද හට ගෙන තිබේ.

කෙසේ වෙතත් මෙම සාකච්චා පසුගිය සතියේදී ආරම්භ වූ අතර එහි දෙවන වටයේ සාකච්ජාව හෙට (21) පැවැත්වීමට නියමිත බව පක්ෂ ආරංචි මාර්ග සදහන් කරයි.

ශ්‍රීලනිපයේ අපේක්ෂකයා පිළිබදව CGS අපි ශ්‍රීලනිප ජාතික සංවිධායක පාර්ලිමේන්තු මන්ත්‍රී දුමින්ද දිසානායක මහතා ගෙන් කල විමසීමේදී ඔහු සදහන් කලේ ශ්‍රී ලංකා නිදහස් පක්ෂයා ශ්‍රීලනිපයේ එකම අපේක්‍ෂාව මෛත්‍රිපාල සිරිසේන මහතා බවය.

යම්කිසි අයුරකින් ජනාධිපතිවරණයට ඉදිරිපත්වීමෙන් තමන් වළකින බවට ජනාධිපතිවරයාම ප්‍රකාශ කළහොත් පසුව වෙනත් අපේක්ෂකයෙක් පිළිබඳ සිතන බවයි පවසන ඔහු  ඒ අනුව පක්ෂයේ අරමුණ වන්නේ එම ඉදිරිපත්කරන අපේක්ෂකයා ජයග්‍රහණය කරවීම බව ද වැඩි දුරටත් පැවසුවේය.

එමෙන්ම මෙම සාකච්ජා එලෙස පැවැත්වෙමින් තිබෙන අතරතුර ගෝඨාභය රාජපක්ෂ මහතාට හිතවත් කණ්ඩායම් පවසන්නේ ඉදිරි ජනාධිපතිවරණයේ අපේක්ෂකයා ලෙස පොදුජන පෙරමුණෙන් ගෝඨාභය රාජපක්ෂ මහතා තෝරා ගෙන ඇති බවයි. එ පිලිබදව මින් ඉහතදී CGS අප කල විමසීමේදී උදය ගම්මන්පිල, පියල් නිශාන්ත, බන්දුල ගුණවර්ධන යන මන්ත්‍රීවරුන්ද කියා සිටියේ ගෝඨාභය රාජපක්ෂ මහතා ඔවුන්ගේ එකම අපේක්ෂකයා බවය.

 

AS.

LEAVE A REPLY

Please enter your comment!
Please enter your name here