ශ්‍රී ලංකාව සම්බන්ධයෙන් වූ ජිනීවා සමගාමී සාකච්ඡාවක නොසන්සුන්තාවක්


ජිනීවා නුවර එක්සත් ජාතීන්ගේ සංවිධාන ගොඩනැගිල්ලේ ශ්‍රී ලංකාව සම්බන්ධයෙන් පැවති සමගාමී සාකච්ඡාවක් අතරතුර ඊයේ නොසන්සුන් තත්ත්වයක් ඇති විය.

ප්‍රංශයේ ක්‍රියාත්මක මානව හිමිකම් පිළිබඳ දමිල මධ්‍යස්ථානය හා ග්‍රීන් මදර්ලෑන්ඩ් නැමති සංවිධාන වල සම්බන්ධිකරණයෙන් මෙම සාකච්ඡාව සංවිධානය කර තිබිනි

දෙමල ජාතික සංවිධානයට අයත් නියෝජිත පිරිසක් හා අනෙකුත් දෙමල සංවිධාන වල නියෝජිත පිරිසක් ද මීට එක්ව සිටි අතර හිටපු පාර්ලිමේන්තු මන්ත්‍රී විශ්‍රාමික රියර් අද්මිරාල් සරත් වීරසේකර මහතා ප්‍රමුඛ කන්ඩායමක්ද එහි පැමින සිටියහ.

මෙහිදී දෙමල ඩයස්පෝරා නියෝජිතයින් හා සරත්වීරසේකර මහතා ප්‍රමුඛ නියෝජිතයින් අතර කතාබහේදී උණුසුම් වචන හුවමාරුවක් ඇති විය..

මෙහිදී සරත් වීරසේකර මහතා ප්‍රමුඛ කන්ඩායමේ මතය වූයේ සියළු ශ්‍රී ලාංකිකයින්ට එක්ව ජීවත්වීමේ අවස්ථාව ලබාදිය යුතු බවත් ඉඩම් අල්ලා ගැනීම ඇතුළු අනෙක් චෝදනා ප්‍රතික්ෂේප කරන බවයි.

කෙසේ වෙතත් අදාල අදහසට TNA සාමාජික එම්.කේ සිවාජිලිංගම් මහතා එකඟ නොවීමත් සමග
නොසන්සුන් තත්ත්වයක් උද්ගත වූ අතර සාකච්ඡාව අවසන් කිරීමට සිදුවිය.

මානව හිමිකම් සඳහා වූ දෙමල මධ්‍යස්ථානයේ (TCHR) ආරම්භක මහලේකම් එස්.වී කිරුපාහරන් මහතාගේ ප්‍රධානත්වයෙන් පැවති මෙම සාකච්ඡාවට දෙමල ජාතික සංධාන පාර්ලිමේන්තු මන්ත්‍රී එස්.සීධරන් මහතා ඇතුළු පිරිසක් ද එක්ව සිටියහ.

LEAVE A REPLY

Please enter your comment!
Please enter your name here