මඩකලපුවේ හර්තාල්, පුත්තලමේ කුණු සමග ශිෂ්‍ය බල මණ්ඩලත් විරෝධතා

අද දින විරෝධතා කිහිපයක්ම සිදු වේ.

ඒ අනුව මඩකලපුව නගරයේ අද (19) දිනයේ ක්‍රියාත්මක කර ඇති හර්තාල් ව්‍යාපාරයක් හේතුවෙන් දෛනික ජන ජීවිතයට බාධා එල්ල වී ඇති බව සදහන් වේ. සියලු වෙළඳසැල් සහ පොදු ස්ථාන වසා දමමින් ක්‍රියාත්මක කර ඇත.  අතුරුදන්වූවන් සොයාදෙන ලෙස බල කරමින් මෙම හර්තාල් ව්‍යාපාරය ක්‍රියාත්මක වේ.

එමෙන්ම පුත්තලම අරුවක්කාලු ප්‍රදේශයට කසල බැහැර කිරීමට විරෝධය පළ කරමින් පැවැත්වෙන විරෝධතාවයක් හේතුවෙන්  ගාලුමුවදොර මාර්ගය ජනාධිපති ලේකම් කාර්යාලය අසලින් සම්පූර්ණයෙන්ම වසා දමා ඇත. වීරෝධතාකරුවන් පවසන්නේ අරුවක්කාලු ප්‍රදේශයට කසළ බැහැර කිරීමේ වහාම නතර කරන ලෙසයි.

තවද අන්තර් විශ්වවිද්‍යාලීය ශිෂ්‍ය බල මණ්ඩලයේ විරෝධතා පා ගමනක් අද(19) කොළඹ, කොටුව දුම්රිය පොළ ආසන්නයේ දී ආරම්භ වීමට නියමිතයි. සබරගමු විශ්වවිද්‍යාලීය බඳවා ගැනීම් කප්පාදුවට විරෝධය පා මෙම පා ගමන සංවිධානය කර තිබේ. සබරගමුව විශ්වවිද්‍යාලයේ මහා ශිෂ්‍ය සංගමය විසින් මෙය සංවිධානය කර ඇත. මේ නිසා කොටුව ප්‍රදේශයේ තද බදයක් ඇති වනු ඇතැයිද පැවසේ.

කෙසේ වෙතත් පොලිස් මාධ්‍ය අංශය සදහන් කරන්නේ මේ සියල්ල යතා තත්වයට පත් කිරමින් නිතිය හා සාමය ආරක්ෂා කිරීමට පියවර ගන්නා බවයි.

LEAVE A REPLY

Please enter your comment!
Please enter your name here