Mon. Jun 24th, 2019

Colombo Gazette – Sinhala

News, views and more

කැම්පේන් එක සාගලට. එජාපට තුල ගැටුමක්

ඉදිරි මැතිවරණ ව්‍යාපාරයේ ප්‍රධානියා ලෙස එජාප නායකයාගේ සමීපතමයෙකු ලෙස සැලකෙන, අගමැති කාර්ය මණ්ඩල ප්‍රධානී සාගල රත්නායක අමාත්‍යවරයා පත්කර ඇති බව පැවසේ.

පසුගිය යහපාලන රජය යටතේ සාගල රත්නායක මහතා ඉතා ප්‍රබල අමාත්‍යධූර දැරූ අතර එහිදී සිදුවූ සිදුවීම් අරභයා මතු වූ අර්භුද හමුවේ එජාප මැතිවරණ වියාපාරය ඔහුට ලබා දීමෙන් එජාපයේ ජයග්‍රහණයක් අපේක්ෂා කළ නොහැකි බව එජාපයේ බහුතරයේ අදහස්වී ඇත. එමෙන්ම විවිධ අවස්ථාවලදී පොලීසියට බලපෑම් කළ බවට, පරීක්ෂණ සඳහා බලපෑම් කළ බවට, මහා පරිමාණ දූෂණ වංචා, අපරාධවලට සම්බන්ධ පුද්ගලයන් ආරක්ෂා කළ බවට චෝදනාද එල්ල විය.

එවැනි පුද්ගලයෙක් ජනාධිපතිවරණය වැනි තීරණාත්මක මැතිවරණ ව්‍යාපාරයකදී ප්‍රධාන අපේක්ෂකයන්ගේ මැතිවරණ ව්‍යාපාරයේ ප්‍රධානියා ලෙස පත් කිරීම තුල එජාපය තුල දැඩි නොසන්සුන්කාරී වාතාවරණයක් ඇති වී ඇති බව එජාප අභ්‍යන්තර ආරංචි මාර්ග සදහන් කරයි.

කෙසේ වෙතත් මේ වනවිට මැතිවරණ ව්‍යාපාරය සඳහා කමිටුවක් ද පත්කර තිබෙන බවත් වාර්තා වන අතර එජාප උප නායක රවී කරුණානායක, නියෝජ්‍ය නායක සජිත් ප්‍රේමදාස, සභාපති කබීර් හෂීම්, මහ ලේකම් අකිල විරාජ් කාරියවසම් ඇතුළු එජාප ප්‍රධානීන් මෙම කමිටුව නියෝජනය කරන බව වාර්තා වේ.

ඉදිරි ජනාධිපතිවරණය සඳහා එක්සත් ජාතික පෙරමුණේ අපේක්ෂකයා බොහෝදුරට එජාප නායක රනිල් වික්‍රමසිංහ මහතා වනු ඇති බවත් තව විටකදී සජිත් ප්‍රේමදාස ඉදිරිපත් වනු ඇති බවත් පැවසේ.

AS.

Leave a Reply

Your email address will not be published. Required fields are marked *

%d bloggers like this: