නවසීලන්ත වෙඩි ප්‍රහාරය සම්බන්ධයෙන් විපක්ෂ නායකවරයා සිය ශෝක පණිවිඩය

පසුගියදා නවසීලන්තයේ ක්‍රයිස්චර්ච්හි ඉස්ලාම් දේවස්ථානයෙහි දී සිදු වු ත්‍රස්ත්‍රවාදී වෙඩි තැබීමේ සිද්ධිය පිළිබඳව තමන් ඉමහත් කම්පාවට පත්වු බව විපක්ෂ නායක මහින්ද රාජපක්ෂ මහතා පවසයි.

නිවේදනයක් නිකුත් කරමින් මිය ගිය අය වෙනුවෙන් ඒ මහතා සිය ශෝකය පල කළේය.

විපක්ෂ නායක මහින්ද රාජපක්ෂ මහතා සිය ශෝක පණිවිඩයේ තවදුරටත් පහත පරිදි සඳහන්කර තිබුණේය.

” අපි එම මිලේච්ඡ ත්‍රස්ත්‍රවාදී ක්‍රියාව තරයේ හෙලා දකිමු.

නවසීලන්තයේ අගමැතිවරිය වන ජසින්ඩා ආර්ඩෙන් මහත්මියගේ ප්‍රකාශය අනුව පැහැදිලි වන්නේ මෙම ප්‍රහාරයට වැඩි ප්‍රමාණයක් ගොදුරු වී ඇත්තේ නවසීලන්තයට පැමිණ සිටින ඉස්ලාම් සංක්‍රමණිකයින් බවයි.

තිස්වසරක් පුරා ත්‍රස්තවාදයෙන් බැටකෑ ජාතියක් ලෙස අප ද මෙවැනි බොහෝ අඳුරු අත්දැකීම්වලට මුහුණපා ඇත.

1990 අගෝස්තු 03 කාත්තන්කුඩි ප්‍රදේශයේ ඉස්ලාම් දේවස්ථානයකට ත්‍රස්ත්‍ර ප්‍රහාරයක් එල්ල වී ඉස්ලාම් බැතිමතුන් 141 කට අධික පිරිසක් ඝාතනය වීම එයින් එක් සිද්ධියකි.

ත්‍රස්ත්‍රවාදය මුලිනුපුටා දැමීමට සමත් වු අපට තිස් වසරක් පුරා පැවති යුද්ධයට තිත තබා ශ්‍රී ලංකාව ත්‍රස්ත්‍රවාදයෙන් තොර රටක් ලෙස සංවර්ධනය කිරීමට හැකි වුනා.

නවසීලන්තයේ ත්‍රස්ත්‍රවාදය මුලිනුපුටා දැමීමට එරට අගමැතිවරිය ඇතුලු රජයට ශක්තිය ලැබේවායි පතන අතර නවසීලන්ත ජනතාවටත්, රජයටත් අපගේ ශෝකය ප්‍රකාශ කර සිටිමු.

LEAVE A REPLY

Please enter your comment!
Please enter your name here