හදවත් යා කරන රන් මාවත් 200 ක්

මහාමාර්ග හා මාර්ග සංවර්ධන සහ ඛනිජ තෙල් සම්පත් සංවර්ධන අමාත්‍ය කබීර් හෂීම් මහතාගේ “හදවත් යා කරන රන් මාවත්” සංකල්පයට අනුව වැඩ අවසන් කරන ලද මාර්ග 200ක් එකවර ජනතා අයිතියට පත් කිරීමට කටයුතු යොදා තිබේ.

මෙම ව්‍යාපෘතිය ජනතා අයිතියට පත්කිරීම වෙනුවෙන් අදහස් දක්වමින් අමාත්‍යවරයා සඳහන් කරන්නේ එක්සත් ජාතික පක්ෂය සෑම විටම නව දැක්මක් සහිතව අනාගතය සුරක්ෂිත කිරීමට බලාපොරොත්තුවන බවයි.

මෙහිදී ලෝක ආර්ථිකයට යා කරන ශක්තිමත් මාර්ග පද්ධතියක් උරුම කර දීම එම සංවර්ධන වැඩපිළිවෙලට අදාළව සිදුකරන්නක් බව අමාත්‍යවරයා කියා සිටියි.

හදවත් යා කරන රන් මාවත් සංකල්පය හරහා මාර්ග තදබදයට විසඳුම් දීම මෙන්ම වැඩි කාලයක් මහමඟ රැඳී සිටීම වළක්වා ලීම සහ පහසුවෙන් ගමන් කිරීමට අවශ්‍ය යටිතල පහසුකම් සලසා දීමත් සිදුකරන බව කබීර් හෂීම් මහතා වැඩිදුරටත් පවසයි. එම උත්සව අවස්ථාව අග්‍රාමාත්‍ය රනිල් වික්‍රමසිංහ මහතාගේ ප්‍රධානත්වයෙන් මාවනැල්ල සහ කොච්චිකඩේ යන ස්ථානයන්හිදී එළඹෙන 17 වැනි දින පැවැත්වීමට නියමිතය.

 

LEAVE A REPLY

Please enter your comment!
Please enter your name here