චීන ජාතිකයින් 14කට වසරක අනිවාර්ය සිර දඩුවම්

ගාල්ලේදී සංචාරක විසා මගින් මෙරට රැදී හිදමින් කම්කරු රැකියාවල නිරතව සිටි චීන ජාතිකයින් පිරිසට අද වසරක අනිවාර්ය සිර දඩුවම් නියම කර ඇති බව පොලිස් මාධ්‍ය අංශය තරවුරු කරයි.

Colombo Gazette Sinhala අප පොලිස් මාධ්‍ය අංශයෙන් කළ විමසීමේදී ඔවුන් වඩු දුරටත් සදහන් කළේ මෙසේ දඩමුදල් හා අනිවාර්ය සිරදඩුවම් නියමවුයේ සංචාරක විසා ලබාගෙන සංචාරක විසා කොන්දේසි උල්ලංනය කරමින් ගාල්ල, දඩැල්ල ප්‍රදේශයේ ගොඩනැගිල්ලක කම්කරුවන් ලෙස අලුත්වැඩියා කටයුතු වල නිරත වෙමින් සිටි චින ජාතිකයින් 14 දෙනෙකුට බවය.

මෙලෙස අත්අඩංගුවට පත්වූ චීන ජාතිකයින් පිරිස 14 දෙනෙකි. ඔවුන් මෙරට කම්කරු රැකියාවේ නිරතව සිටියදී පසුගිය සතියේදී අත්අඩංගුවට පත් වීමෙන් ඔවුන්ව සතියකට රක්ෂිත බන්ධනාගාර ගත කළේය. ඒ අනුව එම නඩුව අද දිනයේදී මෙලෙස විභාග කෙරුණ අතර මොවුන්ට සිර දඩුවම් සමග එක් අයකුට නියම වී ඇති දඩ මුදල එක් රුපියල් 50,000 කි.

පසුගිය සතියේදී මොවුන් අත්අඩංගුවට ගත් අතර ඔවුන්ව එදින රක්ෂිත බන්ධනාගාර ගත කරමින් එම නඩුව නැවත කැදවීම අද දිනට යෙදි තිබිණි. ඒ අනුව මෙම තීන්දුව ගාල්ල ප්‍රධාන මහේස්ත්‍රාත් හර්ෂණ කැකුණවෙල මහතා විසින් නියම කර තිබේ.

එමෙන්ම මෙම චින ජාතිකයින් සදහා නියම කරණු ලැබු දඩමුදල නොගෙවන්නේ නම් වසරක අනිවර්ය සිරදඩුවම තවත් මාසයකින් දිර්ඝ කිරිමට නියෝග කළ ප්‍රධාන මහේස්ත්‍රාත්වරයා වසරක අනිවර්ය සිරදඩුවම ගෙවියාමෙන් පසු මොවුන් 14 දෙනා මෙරටින් පිටුවහල් කිරිම සදහා මිරිහාන රැදවුම් මධ්‍යස්ථානය වෙත යොමුකරණ ලෙස ආගමන විගමන පාලකවරයාට නියෝග කර ඇත.

AS.

LEAVE A REPLY

Please enter your comment!
Please enter your name here