අධික උෂ්ණත්වය සමග දිලීර ආසාධන

මේ දිනවල පවතින අධික උෂ්ණත්වය සමග දිලීර ආසාධන එසේත් නැත්නම් චර්ම රෝග ඇති වීමේ ප්‍රවණතාවයක් පවතී. මේ පිළිබඳව Colombo Gazette චර්ම රෝග පිළිබද විශේෂඥ වෛද්‍ය ඉන්දිරා කහවිට මහත්මිය සමග කළ සංවාදයේදී වෛද්‍යවරිය සදහන් කළේ මේ දිනවල දිලීර ආසාධන ඇතිවීම සුලභව දක්නට ලැබෙන බවයි. විශේෂඥ වෛද්‍යවරිය මේ පිළිබඳව වැඩිදුරටත් දැක්වූ අදහස් මෙසේයි.

මේ දිනවල පවතින අධික උෂ්ණත්වය නිසා චර්ම රෝග ඇතිවිමේ අවධානමක් තිබෙනවාද?

බොහෝ රටවලට සාපේක්ෂකව ලංකාවේ හිරු එළියෙන් පිලිස්සිම් දක්නට ලැබෙනවා අඩුයි.නමුත් සාමාන්‍ය දෛනික වැඩවලදි අව්වේ සිටින අවස්ථාවලදී සම පිලිස්සීමේ වැඩි ඉඩකඩ තියෙනවා විශේෂයෙන් නිරාවරණය වු ශරීර කොටස්වල බෙල්ල පිටු පස දද එන්න පුළුවන්. විශේෂයෙන් පාසල් ළමුන් මේ දිනවල අව්වේ සිටිනවා පාසල් ළමුන්ගේ මුහුණ දෙපස සුදු පාට ලප මතු වෙනවා. නමුත්දෙමාපියන් හිතන්නේ මෙම සුදු ලප පණු දද කියලයි.එයපණු දද නොවෙයි .මේ සදහා වෛද්‍ය ප්‍රතිකාර ගත යුතුයි.

දැඩි හිරු රශ්මිය ඇති අවස්ථාවක එළිමහනේ සිටිනම් අනුගමනය කළ යුතු පියවර මොනවාද?

හිරු රැස්වලින් ආරක්ෂා විමට නම් අනවශ්‍ය ලෙස අව්වට යන්න එපා .සම්පුර්ණයෙන් ශරීරය ආවරණය වන පරිදි ඇඳුම් ඇඳගෙන එළිමහනට යා යුතුයි විශේෂයෙන්ම හිරු ආරක්ණෂණ ආලේපනයක් භාවිත කිරිම ඉතා වැදගත් .මෙහදි වැදගත් වන කාරණය වන්නේ හිරු ආරකෂන ආලේපන භාවිත කිරිමේදි SPC අගය30ට හෝ ඊට වැඩි අගයක් ආලේපනයක් භාවිත කළ යුතුයි.බොහෝ අය අද හිරු ආරක්ෂන ආලේපන ගල්වන්නේ වැරදි ආකාරයට .එම ආලේපන සම මතුපිට පෙනෙන සේ ආලේපනය කළ යුතුයි .අඩුම තරමින් අව්වට යන්නට විනාඩි 10කටවත් පෙර ආලේපන ගැල්විය යුතුයි. දිගු වේලාවක් අව්වේ රැදි සිටිනවානම් පැය දෙකකට වරක් වත් ආලේපන ගැල්විය යතුයි.

උෂ්ණත්වය සමඟ බිළිදු දරුවන්ගේ සමෙහි ආසාධන තත්ත්ව හට ගැනිමක් සිදුවනවාද?

ඔව්, බිළිදු දරුවන්ගේ සමෙහි ග්‍රන්ථි මෝරලා නැති නිසා සම මතු පිට අවහිරි වීම් සිදු වනවා ඒ නිසා රතු පැහැති දාඩිය බිබිලි හට ගන්නවා එහිදි තද කැසීමක් හටගන්නවා මේ නිසා බිළිදු දරුවන්ගේ සම නිතරම සිසිල්ව තබන්න .කපු ඇදුම් අන්දවා තබන්න දරුවාට වෙනත් රෝගී තත්ත්වයක් නොමැති නම් ඇල්වතුරෙන් නාවන්න.විශේෂයෙන් ලෝෂන් වර්ගයක් ආලේපනය කරන්න.ඒ වගේම තැඹිලි වැනි දියර වර්ග පානය කරන්න දෙන්න .විදුලි පංකාවක් භාවිතා කිරිමට කටයුතු කරන්න.එසේම පොඩි ළමයින්ට රක්තය ඇතිවනවා එවැනි අවස්ථාවලදී වහාම වෛද්‍ය ප්‍රතිකාර සඳහා යොමු වන්න.

මේ දිනවල දිලීර ආසාධන බහුලව දක්නට ලැබෙනවා. ඒ පිළිබඳව පැහැදිලි කළොත් ?

සුලභ ලෙස මේ දිනවල දිලීර ආසාධන ඇතිවනවා සමහර දිලීර ආසාධන සඳහා නොයෙකුත් ආලේපන වර්ග තිබුනත් ඒවාට රෝගය සුව වෙන්නෙ නැති තත්ත්වයක් දක්නට ලැබෙනවා.මේ නිසා දිලිර ආසාධන වලට නිසි ප්‍රතිකාර ගත යුතුයි. ඒ සඳහා චර්ම රෝග සායන වලට යොමු වීම ඉතාම වැදගත්.සාමාන්‍ය ප්‍රතිකාර ක්‍රම වලට යනවාට වඩා ඒ සඳහාම වු සායනවලට යොමුවිම ඉතාම වැදගත් .විශේෂයෙන් දිලීර ආසාධනයක් පවතීනම් සති 4ක් වත් අඛණ්ඩව ප්‍රතිකාර ගත යුතුයි.

සංවාද සටහන වරුණි පෙරමුණ

LEAVE A REPLY

Please enter your comment!
Please enter your name here