ජපානයෙන් රැකියා ගැනීමට අගමැති සැරසේ

මැදපෙරදිග විදෙස් රැකියා වෙනුවට ඉදිරියේදී ශ‍්‍රී ලාංකිකයින්ට ජපානයේ වෘත්තීයමය රැකියා අවස්ථා ලබා දීමට සැලසුම් කර ඇතැයි අග‍්‍රාමාත්‍ය රනිල් වික‍්‍රමසිංහ මහතා පවසයි.

අරලියගහ මන්දිරයේ පැවැති විදේශ රැකියාවන්හි නිරත වන මවුපියන්ගේ දු දරුවන් වෙනුවෙන් ශිෂ්‍යත්ව ප‍්‍රදානෝත්සවයකට එක්වෙමින් අගමැතිවරයා මේ අදහස් පල කර තිබිණි.

අගමැති වැඩි දුරටත් දැක්වූ අදහස් මෙසේයි.

අද අපේ රටේ වැඩිම විදේශ විනිමය ලබා දෙන්නේ විදේශ රැකියා කිරීම් හරහායි. අප වෙනුවෙන් සේවයක් කරනවානම් අපිට යුතුකමක් තිබෙනවා ඒ අය වෙනුවෙන් දෙයක් කරන්න. විදෙස් රැකියාවන් හි නිරත අයට පුහුණු පාඨමාලා හරහා ඔවුන්ගේ දැනුම වැඩි කර ගන්න අවශ්‍ය පසුබිම හදලා දෙන එක අපේ යුතුකම. දැනට මැදපෙරදිග රැකියා වල නිරත ඔබලාට ඉදිරියේදී ජපානයේ රැකියාවන්ට යාමට අවස්ථාව උදාකර දෙන එක සම්බන්ධයෙන් දැනට වැඩපිලිවලක් ක්‍රියාත්මකයි. ජපානයට අවශ්‍ය පුහුණු ශ්‍රමිකයින්. මම විෂය භාර අමාත්‍යවරයාට දැනුම් දුන්නා ඒ සම්බන්ධයෙන් අවශ්‍ය පියවර අරන් පුහුණු කටයුතු සම්බන්ධයෙන් අවධානය යොමු කරන ගමන් ජපානයේ රැකියා අවස්ථා වැඩිකර ගැනීමට අවශ්‍ය පියවර ගන්නවා.

LEAVE A REPLY

Please enter your comment!
Please enter your name here